Erriberako paloteadoen topaketa 2015: Murchante

Murchanteko dantzariek herriko paloteadoko zenbait pasarte eskaini zituzten urriaren 11an Fustiñanan ospatu zen Erriberako ploteadoen topaketan. Irudiotan yendome yo eta trenzado dantzak ikusi daitezke baina baita Rabadanak eta Mayoralak errezitatutako bertso errimatuak ere. Herri bakoitzean, paloteadoa egiten den egunean, bi pertsonaia horiek urtean zehar herrian gertatutakoen eta berri nagusien inguruko satira errimatua egiten dute, baina kasu honetan, topaketarako idatzitako testua da errezitatzen dutena. Murchanten 2008an berreskuratu zen paloteadoa eta herriko festetan, abuztuaren 15ean egiten dute. Erriberako paloteadoen topaketa: Murchante. Irudiak: Aitor Sorazu. Fustiñana, 2015-10-11.