Olatz de Andres: The Endgame, Lokke

Xake-partida bat du abiapuntua Olatz de Andresen The Endgame, Lokke lanak. Xakearen metaforaren eta sinbolismoaren indarra interesatu zaizkio egileari. Jokalarietako bat jota gelditzen da mugimendu baten edertasunak liluratuta. Une batez, estetika estrategiaren gainetik jartzen da. Partidak ez-ohiko norabidea hartuko du, dantzariak jokalari moduan hasiko dira baina azkenean joko-piezak gorpuzten dituzte. Partida dantzaren bidez irudikatzen da. Bi partida jokatuko dira aldi berean: bata, 64ko laukitxoko taulan; bestea, agertokiak hartzen duen espazio osoan, non jokalarien pentsamenduak, denboraren joan-etorriak, probabilitatea, arrakasta eta porrota... mugimenduan jarriko diren. Irudiak: Eire Vila. Olatz de Andres, The Endgame, Lokke, Dferia, 2017-03-06.