Edukira salto egin | Salto egin nabigazioara

Tresna pertsonalak
Hemen zaude: Hasiera › Bideoak › Lorenzo San Juan: Erromeriak eta dantzak 1951-1955

Dokumentuaren akzioak

Lorenzo San Juan: Erromeriak eta dantzak 1951-1955

Dantzan Dantzan
2014/12/10 11:10

Bizkaiko kostaldean hainbat erromeria eta dantza filmatu zituen Lorenzo San Juan bakiotarrak 1951 eta 1955 bitartean. Irudi horiek dantzari eta dantzazaleon esku jarri nahi izan ditu bere familiak eta datozen asteotan atalka argitaratuko dira Dantzan-en. Bakio, Mungia, Lekeitio eta inguruetan festa, eztei eta erromerietan hartutako irudiak dira, soka-dantza edo aurresku, jota eta dantza taldeen emanaldiak erakusten dituztenak. Irudien testuinguruaz Olaiz Agirrebeñak idatzitakoa irakur daiteke "Dantzak eta erromeriak Lorenzo San Juanen grabazioetan" sarreran. Honako bideo honetan Lorenzo San Juanek egindako filmazioen laburpen txiki bat ikus daiteke, ondoko egunetan atalez atal sareratzen joango diren irudien aurrerapena. Lorenzo San Juan, erromeriak eta dantzak, 1951-1955.

Etiketak

Jarri bideo hau zure webgunean
Deskargatu
Deskargatu

Dokumentuaren akzioak

Aritz Ibañez Lusarreta Aritz Ibañez Lusarreta
2014/12/10 11:35
Gure dantza maisuak saiatu dira naturaltasunez dantzatzea zer den erakusten. Niretako hau da!
Ederra bideoa!
Oier Araolaza Oier Araolaza
2014/12/10 11:45
Urteterdi pasa da Susana Beltran de Heredia bere aitonak 1950 inguruan egindako filmazio batzuekin etorri zitzaigunetik. Hura sorpresa dantza irudi eder haiek ikusita! Dantzan-en argitaratzeko baimena eskatu genion, eta baietz esan zigun Susanak, baina irudiak ondo prestatu eta dokumentatu behar genituela adostu genuen. Luze jo digu lanak, baina uste dut merezi zuela irudi hauek ahalik eta txukunen eta ongien dokumentatuta argitaratzea. Behin sareratuta oraindik zuzenketa, argibide eta osaketa gehiago iritsiko dira, eta horiekin borobitzen joango da irudiek duten balioa.

Erantzun

Erantzuna emateko identifikatu egin behar zara, gure webgunean erabiltzaile bat sortuz.