Edukira salto egin | Salto egin nabigazioara

Tresna pertsonalak
Hemen zaude: Hasiera Bideoak Frantisek Pospisil: L'Ubietova (Eslovakia): Uztai-dantza

Dokumentuaren akzioak

Frantisek Pospisil: L'Ubietova (Eslovakia): Uztai-dantza

2014/04/08 13:10

Eslovakiako hainbat herritan egin zituen tokian tokiko dantzen filmaketak Frantisek Pospisil-ek. Honako hau Zvolen eskualdean, L'Ubietova herrian egin zuen. Bertan pod obruce izeneko dantza grabatu zuen, alegia, uztai-dantza. Literalki pod obruce  horrek uztai azpian esan nahi du. Ezpata-dantzetan ohikoak diren figurak uztaiekin egiten ageri dira hemen, eta Pospisil lotura horretaz ohartu zela bistakoa da. Oñatiko arku-dantza edo Lanestosakoa gogorazten digute, eta jakina, horietan ezpata-dantzetan ohikoak diren figura koreografikoak ageri zaizkigu. L'Ubeitovako pod obruce honetan buruzagia eta lau uztai-dantzari ageri dira. Musikari lanetan biolin-jolea eta soinu-jotzailea. Buruzagiak uztai txikia du ezkuan, zenbait herritako alkateek darabiltzen zumearen tamainakoa. Uztai-dantzariek arkuak azpitik eta goitik pasaz zenbait itzuli eta zubi egin ondoren, buruzagiak edalontzi txiki batetik tragoska egin, eta edalontzia bera uztaian paratuta hura dantzatzen du, jira-biran dantzatu ere, edaria galdu gabe. Juan Antonio Urbeltzi esker eskuratu ditu irudi hauek. Frantisek Pospisil, L'Ubietova, Eslovakia, pod obruce, 1925 inguruan.

Etiketak

Jarri bideo hau zure webgunean

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.