Frantisek Pospisil: Korçula: Moreska 1924

Kroaziako Korçula uhartean, Moreska eta Kumpanija izeneko ezpata-dantza motak daude. 1922 eta 1924 urteetan izan zen Korçulan Frantisek Pospisil filmazioak egiten, biak grabatu zituen Pospisil-ek. Aurreko batean ezpata luzeekin egin ohi duten Kumpanija izenekoa ikusi bagenuen, oraingoan Moreskaren irudiak ditugu. Moreskan bina ezpata txiki edo sastakai darabiltzate dantzariek elkarrekin borroka ikusgarria antzeztuz. Juan Antonio Urbeltz-ek euskal dantzazale guztiokin konpartitutako irudi ederrak dira honakoak. Frantisek Pospisil: Korçula (Kroazia), Kumpanija, 1924.