Eltziegoko dantzak 1963

Eltziegoko dantzen 1963ko irudiak honakoak, garaian Super 8 formatuan grabatuak. Lehen ere argitaratu genituen, baina Youtuben zeuden tokitik desagertu dira, beraz, dantzan-en jarri ditugu orain. Irailaren 8an, Plazako Ama birjinaren aurrean egiten dituzte urtero dantzak Arabako herrian. Ama Birjina prozesioan dantzan lagundu ostean elizako atarian jarraitzen dute dantzan. Dantzariak neskak eta mutilak dira, lerro batean neskak eta bestean mutilak. Egun, eta urte askoan, neskek bakarrik parte hartzen dute egun honetan, eta irudiok mutilek dantza egin zuten azken urteetakoak dira. Azken 50 urteotan finkatutako bost dantza egiten dituzte: Pasacalles, dantza, cuatro calles, el arbol eta jota. Eltziegoko dantzak, 1963.