Hemen zaude: Hasiera Bideoak Carmen Cortes: Yerma 1996

Dokumentuaren akzioak

Carmen Cortes: Yerma 1996

2013/10/18 11:47

Carmen Cortes-en konpainiaren Yerma ikuskizunari buruz Euskal Telebistako Iparra telebista saioan egindako erreportajea 1996an. Federico Garcia Lorca-ren idazlanean oinarrituta, flamenkorako egokitzapena egin zuen Carmen Cortes-ek, Nuria Espert-en antzerki zuzendaritzarekin, Gerardo Nuñez-en musika gidaritzarekin eta Carmen Cortes beraren koreografiarekin. Gerardo Nuñez eta  Carmen Cortes-en hitzak eta Donostiako Victoria Eugenia antzokian egindako emanaldiaren irudiak jasotzen ditu erreportajeak. Carmen Cortes, Yerma, Iparra, ETB2, 1996.

Etiketak

Jarri bideo hau zure webgunean
Deskargatu

Dokumentuaren akzioak

2013/10/21 15:57
Urteak pasa arren (17 hain zuzen ere) zapore gozoa gordetzen dut emanaldi honetaz. Indartsua iruditu zitzaidan, zintzoa, sendoa. Baina bada bitxikeria bat maiz gogoratzen dudana. Elkarrizketa egiteko Victoria Eugenia antzokira iritsi ginenean konpainia eszenatoki gainean enseguan ari zen. Irristagarri zegoela iruditu zitzaien, eta kezkatuta zebiltzan. Halako batean, konpainiako zuzendaria bera, Carmen Cortes, agertu zen palangana bat eskuan zuela. Coca-cola bat urarekin nahastu, trapu bat hartu, eta han hasi zen, belauniko jarrita eszenatoki osoa trapu bustiarekin pasatzen. Nik kamerari keinua egin nion graba zezan, eta une hartan gurekin zen konpainiaren managerra kezkatuta, ez grabatzeko hura mesedez, lotsagarria zela hasi zitzaigun esaten. Nik kontrara pentsatu nuen, konpainia famatu baten zuzendaria, eszenatokia trapauarekin garbitzen makurtuta ikustea propaganda ona zela, baina ez genuen eztabaidatu. Hori bai, bideoan erne bazabiltzate, 5:23an ikusiko duzu Carmen Cortes bera trapuarekin lurra garbitzen (edo zikintzen!).

Erantzun

Erantzuna emateko identifikatu egin behar zara, gure webgunean erabiltzaile bat sortuz.