Ama: ur azpian dantzan

Julie Gautier urpekariak eta zinegileak bost minutuko pieza dantzatzen du ur azpian. Gautierrek arnasari eusten dio dantza guztian zehar, koreografiaren bukaeran uretatik azalera irteten den arte. Ama izenburu ipini dio zinegileak, bera protagonista den filmari. Ama, japoniar terminoak, perlak jasotzen dituzten urpekariei egiten die erreferentzia; uretako dontzeila esan nahi du. Egileak ez du lanaren inguruko azalpenik ematen, bakoitzak bere irakurketa egiteko dio. Emakumearen egunean egin zuen publiko eta munduko emakume guztiei eskaini zien. Koreografia: Ophelie Longuet. Musika: Rain in your black eyes. Irudiak: Ama filma, 2018-03-08.