Edukira salto egin | Salto egin nabigazioara

Tresna pertsonalak
Hemen zaude: Hasiera Bideoak

Dokumentuaren akzioak

Bideoak

Zarautz: San Pelaio 2018 Oilasko biltzea

San Pelaio biharamunean ezpata-dantzaren doinuan dantza bitxi bezain dibertigarria egiten dute Zarauzko Iñurritza auzoko gazteek. Goizaldeko 6:00etan elkartu eta gosaldu ondoren, bi taldeetan Iñurritzako baserrietara abiatu dira. Batzuk propio esnatu dira dantzarako, beste batzuk ohea ez dute ukitu ere egin; etxera bidean oilasko-biltzaileekin topo egin eta azken momentuan animatu denik ere bada. Koloretako alkandorak eta lastozko txapelak soinean ekin diote jardunari. Badira lehenengo aldiz dantzatu dutenak ere, ideia handirik gabe, albokoari begiratu eta pare bat azalpenekin hirugarren baserrirako itxuroso ari dira dantzan; horrela ikasten omen dute denek dantza, egunean bertan. 11:00ak alderako baserrietako ibilbidea bukatuta, hamaiketakoa egin dute eta herriko kaleetan dantzan jarraitu dute eguerdira arte. Irudiak: Eire Vila. San Pelaio, oilasko-biltzea, Zarautz, 2018-06-27.

Dokumentuaren akzioak