Dokumentuaren akzioak
Albisteak
Aurreskua Patxi Lopez-en Lehendakari kargu hartzean
Eusko Jaurlaritzaren Lehendakari kargua hartu du gaur Patxi Lopez-ek Gernikan, eta ekitaldian izan diren nobedadeen artean aurreskua bera irudiz aldatuta aurkeztu da. Aurreskularia zuriz, baina kolore gorriko apaingarririk gabe (ez gerriko ez abarketetan) eta musika oboez jota aritu da Lehendakari berriaren aurrean dantzan. Hemen kargu hartzearen eta aurreskuaren bideoa.
T.danz, gazte ballet-en bigarren topaketak
Orain dela urte asko hasitako lankidetza sendotzeko helburuarekin, mugaren bi aldetan kokaturiko bazkideek (Dantzaz elkarteak, Scène de Pays-ek Baxe Nafarroa-Garazikus-ek eta Donostia Kulturak) lankidetza horretan sakontzea erabaki dute Euskal Herriko dantzaren garapena sustatzeko helburuarekin, dantzari profesional gazteak babesteko esperientzia pilotuaren bidez nagusiki. Québec, Frantzia eta Euskal Herriko taldeak elkartuko dituzte elkarrengandik ikasi eta elkarrekin dantza daitezen.
Bizkaiko Dantzari Eguna Bermeon eginen da
Heldu den maiatzaren 17an eginen dute Bermeon 2009ko Bizkaiko Dantzari Eguna. Bizkaiko Dantzarien Biltzarrak urtero antolatu ohi du ekitaldi hau.
Jaurrietako Axuri-beltza dantza estreinatu zela 40 urte
1969ko maiatzaren 4an estreinatu zuen Argia dantzari taldeak Axuri-beltza edo Jaurrietako nesken-dantza. Garai batean dantza izan zena berreskuratzeko modurik ez, eta Azkuen kantutegiak jasotzen zuen doinuan oinarrituta dantza berregin zuen Juan Antonio Urbeltzek.
XIII. Dantzaren Nazioarteko Gala Victoria Eugenian
Galan bilduko dira, besteak beste, Itziar Mendizabal, Ion Agirretxe, Iker Arrue, Laura Villar, Santamaria Dantza Konpainia (Juan Carlos Santamaria, 2008ko Estatu mailako Saria) Jesus Pastorren aparteko lankidetzarekin (Nazioarteko Dantzari Nagusi ohia), Biarritzeko Balleta, Aukeran, Kukai, Dantzaz Konpainia, Akroindar, Mariemma kontserbatorioko dantzariak...
Alurr Dantza Taldea Herri Urratsen
Alurr Dantza Taldea Senperen (Lapurdi) ariko da maiatzaren 10ean (igandea), Herri Urrats jaian, Araba gunean
Itziar Mendizabal, Lucia Lakarra eta Gene Yurre Gipuzkoako Dantza Profesionalen Elkartearen VII. Dantza Sarietan
Gipuzkoako Dantza Profesionalen Elkarteak ‘Dantza Sariak’ izeneko ekitaldiaren zazpigarren aldia egingo du, Donostiko Antzoki Zaharrean. Maiatzaren 2an, larunbata, eguerdiko 12,00etan, emango ditugu aipatutako sariak eta UNESCOk jai horren inguruan idatzitako adierazpena irakurriko da. Sarrera gonbidapenarekin.
Espainiako unibertsitateetan dantza ikasteko aukera hurbilago
Orain arte ez zegoen Espainian dantzaren zientzia ikasketarik eskaintzen zuen unibertsitaterik. Bada Madrilgo unibertsitate europearrak Espainiako kalitatearen eta akreditazioaren balioeztatze agentziaren oniritzia jaso du 2009-2010. ikasturtean "dantzaren zientzia" gradua eskain dezan.
Dantza ikastaroak EHUko udako ikastaroetan
Euskal Herriko Unibertsitateak hamargarrenez antolatu ditu aurten "Bilbao Arte eta Kultura" uda ikastaroak. Hogeita sei ikastaro eta lantegi izanen dira guztira, lehen mailako irakasle eta txostengileen eskutik. Tartean dantza ikastaroak ere bai: tradizionala, klasikoa, garaikidea...
Errepertorio berezitasuna
Ari da betetzen poliki-poliki euskal dantza taldeen direktorioa. Proposatutako eremuen artean badago bat "Errepertorio berezitasuna" izenekoa. Talde batzuk hauxe jarri duzue eremu horretan "Euskal Herriko dantzak". Eta barkatuko didazue, baina hori ezer ez jartzea bezalakoa da. Akaso ez dugu ondo azaldu kontzeptua eta saiatuko naiz berriro.
Dokumentuaren akzioak
