Dokumentuaren akzioak
Albisteak
ATERPEAN 2009 ARTISTA EGOILIARREN MUGAZ GAINDIKO PROGRAMA
ATERPEAN artista egoiliarren programa bat da, DANTZA HIRIAN –Mugaren Bi Aldeetako Dantza Jaialdia hiri-paisaietan– ekimenak sortua. Horren helburua gaur egungo dantzaikuskizunak sortu, ikertu eta hiri-eremuetan ezagutzera ematea da. Baiona-Donostia Eurohirian egingo da.
Dantza astea Villabonan
Ekainaren 7tik 13ra dantzaren astea antolatu du Oinkari dantza taldeak Villabonan. Hitzaldiak, ikastaroak, dantza emanaldiak, musika kontzertuak, erakusketak... izanen dira astebetez dantzarekin interesa duen edonorrendako.
Ezpalak jaialdiak karaktere dantzak izanen ditu ardatz
Maiatzaren 23an eta 24ean eginen da Iruñean eta Eibar-en 2009ko Ezpalak, dantza tradizionalen nazioarteko jaialdia. Ezpata-dantzak, makila-dantzak eta arku-dantzak izan dira aurreko jaialdietan ardatz, eta aurten, tresnak albo batera utzi, eta oinetara begira jarriko gara. Karaktere dantzak edo/eta dantza preklasikoak izango dira aurtengo protagonistak. Proventza, Eskozia, Zuberoa, Gipuzkoa eta Bizkaiko dantza tradizioak, bata bestearen ondoan ikusi ahal izango ditugu aurtengo jaialdian.
'Soka' Kukai dantza konpainiaren proiektu berriaren aurkezpena
‘Soka’ izena du Kukai Dantza Konpainiaren ikuskizun berriak. Bost dantzari eta bi perkusio-jolerentzako kale-ikuskizuna da. Maiatzaren 22an eta 23an estreinatuko da Soka Leioako Umore Azokan, eta horren aurretik lana prentsaren aurrean aurkeztuko du Kukaik.
Donostia Dantzan erromeria 2009
Maiatzaren 16an, larunbatea, ospatuko da Donostiako Konstituzio Plazan Donostia Dantzan erromeria. Dantzaldiarekin batera Berastegiko San Juan dantzak eskainiko dituzte bertako dantzariek.
Dantzaz konpainia hautaketa froga
Dantzaz konpainiak jakinarazten du datorren ostiralean, 2009ko maiatzaren 15an, 2009-2010ko kurtsorako dantzarien hautaketa-froga antolatzen duela, Donostiako Gasteszena antzokian (Egia Kultur Etxea).
Barkoxeko maskaradak Maulen. Ikus-entzunezko kronika
Martxoaren 14an, neskenegunarekin, egin zuten Barkoxeko gazteek maskarada Maulen, Zuberoako hiriburuan. Goizean barrikadak kalez-kale eta arratsaldean saio nagusia hiriko pilotaleku plazan. Bertan gertatutakoa erakutsi nahi dizuegu kronika honetan, maskarada bat 19 bideotan.
Hondarribia Dantzan III
Aurtengoan, Hondarribia dantzan maiatzaren 15 eta 17an ospatuko da. Iñaki Arregiren hitzaldi batekinhasiko da eta igandean Legazpiko eta Andoaingo dantzak ikusteko aukera izango da.
Dantza kalean, egun eta leku berria
Herritarrek dantzaz gozatu dezaten Dantza Kalean ikuskizunaren 3. edizioa izango dugu Maiatzaren 10ean, igandea, 18:00etan, Donostiako Alderdi Eder-ren, Udaletxearen aurrean. Bertan, jazz dantza, garaikidea eta klake dantza lantzen dituzten koreografiak eskainiko dituzte Elkarteko ikasleak. Dantza, pakearen hizkuntza dela eta mugarik ez duen artea dela frogatuko du Dantza kalean ekitaldiak.
Jon Ugarriza-ri elkarrizketa ETB2ko Forum-en
Datorren maiatzaren 12an, asteartean, 9:00etan, ETB2ko Forum saioan, David Barbero kazetariak Jon Ugarriza dantzari eta koreografoari egindako elkarrizketa eskainiko du.
Dokumentuaren akzioak
