Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Zu zeu, 20 urte Verdini gala

Dokumentuaren akzioak

Zu zeu, 20 urte Verdini gala

ZU ZEU, Verdini 20 urte, Galak bi zati izango ditu. Lehenengoan, ikusleak Isabel Verdiniren lan metodologia ikusi ahal izando du, bere eskolako ikasleen partaidetzari esker. Gainera, egitasmoaren sorrera berrikusiko da  lehenengo obren zatiak   proiektatuz eta taldearen ibilbideko unerik gogoangarrienak erakutsiz. Bigarren zatian, Konpainia donostiar honetako partaideek azkenaldian emandako ikuskizunen zatiak eskainiko dizkigute eta baita orainartean argitaratu gabeko obraren bat ere.

Zeremonia gidari moduan, Badut taldea arituko da, clownaren bidez ikuskizuna dinamizatzen. Datorren urtarrilaren 12an, larunbatean, 20:00etan, Donostiako Victoria Eugenia antzokian, ZU ZEU, 20 Urte Verdini gala ospatuko dugu.

ZU ZEU, 20 Urte Verdini galaren sarrerak txarteldegian salgai daude dagoeneko, eta baita Kutxaren Internet bidezko salmenta zerbitzuan ere.

Verdini dantza taldea proiektua

Proiektu hau Isabel Verdinik (Donostia,1971) abiarazi zuen. Bartzelonako Institut del Teatren Koreografia eta Interpretazio lizentziatura ikasten ari zela, iloba bat izan zuen Down sindromearekin. Horrek bideratu zuen haren interesa ezgaitasun intelektualen bat zuten pertsonekin lan fisiko eta artistikoak egitera. 1992an, lizentziatu ostean, buruan zuen ekimena martxan jarri zuen gimnasio pribatu batean. Bost ikaslerekin hasi zen eta, egun, 30 dira. Egindako bidean, era askotako bizipenei egin behar izan diete aurre, baina, azkenean, iritsi zen taula gainera igotzeko eguna. Garai hartako emanaldi garrantzitsuena Atzegiren 40. urteurrenean —2000.urtean— Kursaal aretoan egin zutena izan zen. Lehen aldiz, dantzari haiek sorkuntza artistikoan zuten gaitasunaz jabetu baitzen jende asko. Egunkariek ere luze eta zabal jaso zuten berria. Harrezkero, dantza konpainia honek zazpi ikuskizun aurkeztu ditu, aurkezpen eta gertakari ugaritan hartu du parte eta, gainera, egindako lana sari desberdinekin aitortua izan zaie: 2006an, ONCEren Elkartasunaren Saria jaso zuten eta, 2008an, Donostiako Herritarren Merituaren domina.

Badut taldea

Badut Taldea, clown eta musikaz lagundutako kontu-kontaketa emanaldietan ibiltzen den konpainia da, bat-bateko clown-kodean espezializatua da eta animazio, gala, kabaret, sari banaketa eta antzeko ospakizunetan umore punttua jartzen du. Konpainiaren zuzendariak Anduriña Zurutuza eta Txefo Rodriguez dira.

Verdini, koreografien kronologia

 

Izenburua

Data

Lekua

Herria

Gure indarra

24-XII-2000

Kursaal Auditorioa

Donostia

Nahi nuena

29-IV-2002

Leidor Antzokia

Tolosa

Bihotzetik

13-IV-2003

Leidor Antzokia

Tolosa

Bihotzetik II

25-IX-2004

Barañaingo Auditorioa

Barañain (Nafarroa)

Ilunpetik

26-III-2006

Antzoki Zaharra

Donostia

Argira

7-X-2007

Errenteria Hiria” Kulturgunea

Errenteria

Dantzaria naiz

2-X-2010

Victoria Eugenia Antzokia

Donostia

Datu interesgarriak

  • Ikuskizuna: Gala ZU ZEU, 20 Urte Verdini.
  • Konpainia: Verdini Dantza Taldea.
  • Koreografía eta zuzendaritza: Isabel Verdini.
  • Musika: Ismael Yagüe.
  • Zuzendariaren laguntzaileak: Agurtzane Verdini eta Jesus Murua.
  • Argiztapena: Carlos Salaberri.
  • Interpreteak: Verdini Dantza Taldea Konpainia: Olaia Goikoetxea, Nerea Astarbe, Naroa Azaldegui, Nekane Prieto, Haizea Sendón, Ana Álvarez, Jon Alonso, Aitor Manterola, Aizpea Múgica, Perla López, Carla Rivas, Ohiane Mateos, Ainhoa Mateos, Agurtzane Verdini eta  Isabel Verdini. Verdini Dantza Taldea Eskola: Idoia Machimbarrena, Miriam Corrionero, Leire Zabala, Ainhoa Bacaicoa, Patricia Orta, Maria González, Alex Santesteban, Jon Fresnillo, Ainhoa Gargallo, Ainhoa Pascual, Ane Bastarrica, Irune Gabilondo, Maialen Entrena, Amaia Fesser, María García, Leire Alias, Elena Otegui.
  • Badut Taldea (klown-ak): Anduriña Zurutuza eta Txefo Rodríguez.
  • Estreinaldia: Larunbatean, 20.00etan, Victoria Eugenia Antzokian.
  • Sarrerak: 12, 10, 6 €.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.