Dokumentuaren akzioak
Xabier Gereño zendu da
Dantzan
1933. urtean Aeronautica SA enpresan lanean zebilela hasi zen Xabier Gereño euskaltzaina dantzaren munduarekin lehen harremanak izaten. Manuel Landaluze txistularia lankide zuen eta hark irakatsi zion txistua jotzen Gereñori. Horrela, txistua jotzen ikasita, dantza taldeen ekintzak eta bidaiak antolatzeari ekin zion.
Ondoren dantzaren inguruan egindakoak ez dira gutxi izan, Euskal Dantzarien Biltzarraren sorreran parte hartu baizuen 1965. urtean. Elkartea, Hegoaldean, 1969. urterarte legez kanpo egon bazen ere, bera izan zen Euskal Dantzarien Biltzarraren ordezkari denbora tarte horretan.
Xabier Gereñok, gainera, Txistulari, Karmel, Zeruko Argia, Anaitasuna, Aizu!, Bilbao eta El Mundo agerkarietan idazlanak argitara emateaz gain, berak sorturiko Dantzari aldizkarian ere makina bat aldiz idatzi zuen. Aldizkari horren zuzendari izan zen 12 urtez Gereño. Ondoren, Dantzariak aldizkariak eman zion segida beste aurreko horri.
Joan den apirilaren 8an, 86 urte zituela hil zen Xabier Gereño Bilbon. Euskaltzale, ohorezko euskaltzain... izateaz gain, dantzari ekarpenak egindako gizona.
Dokumentuaren akzioak
Erantzun
