Webgunea berritu du Txistulari Elkarteak

Txistularien elkarteko webgunean, www.txistulari.com helbidean hobekuntzak egin dituzte. Orain bi leiho nagusi eskaintzen ditu gunea: Ekitaldiak eta Berriak. Berrien artean aipatzekoa da Joan den ekainaren 6an Felix Iriarte hil zela kontatzen duen albistea.

Bilatzaile bat ere jarri dute bertan eta azken argitalpenen berri ematen duen leihatila bat. Lehengo zerbitzuek ere jarraitzen dute, foroa tarteko.