Dokumentuaren akzioak
Urtzi Aranburu sarituko du Gipuzkoako Dantza Profesionalen Elkarteak
Iratxe de Arantzibia
Aranburu sarituz, bere ibilbide luze eta txalogarria omentzeaz gain, gaur egun inguru hauetan dantzak duen egoera ikusita, euskal dantzari askok lanbide honetan, eta batez ere, nazioarteko konpainia eta eszenatokietan, egindako lana, ahalegina eta nekeari errekonozimendua egin nahi zaio.
Bestalde, gizonezko dantzari bat saritu nahi izan da, gizonezkoak dantzaren alorrean duen presentzia eta lanaren inguruko estereotipoak hautsi nahian.
Hori guztia kontuan hartuta, ondo merezita emango zaio sari hau Urtzi Aranbururi.
Urtzi Aranburu Adrada
Jaiolekua
Donostia, 1972
Ikasketak eta formazioa
- Euskal dantza. Gaztetxo euskal dantza taldea, Lorenzo Gorrotxategirekin, 1976
- Dantza klasikoa. Mentxu Medelen dantza akademia (Donostia), 1981-1987
- Dantza garaikidea. Iñaki Landaren dantza akademia (Donostia)
- Gipuzkoako Foru Aldundiaren eta Eusko Jaurlaritzaren bekak. Luis Fuenteren dantza estudioan, Madrilen, 1987-1991
Konpainiak
- Nederlands Dans Theater (=NDT) 2, 1991tik 1993ra
- Nederlands Dans Theater (=NDT) 1, 1993az geroztik
Egungo Konpainia
NDT 1 konpainiako dantzaria, 1993az geroztik. Jirí Kylián koreografo txekiarrak eta konpainiako zuzendariak kontratatu zuen kide izateko orain 14 urte.
Bere ibilbideko beste datu batzuk
Koreografoak
Ondoko koreografoekin lan egin du eskuz esku:
- Jirí Kylián - William Forsythe - Hans Van Manen - Ohad Naharin - Nacho Duato - Paul Lightfoot - Saburo Teshigawara
Antzokiak
NDTko dantzari profesional den aldetik, mundu osoan egin du dantza ondoko herrialdeetako agertokirik onenetan: Europan, Asian, Australian, Zeelanda Berrian, Afrikan eta Ipar zein Hego Amerikan.
Artista gonbidatua
Tokiora joan zen artista gonbidatu bezala 2001 urtean Saburo Teshigawararen koreografia-sorkuntzan parte hartzera. Horren ondoren, sortzaile japoniarraren konpainiarekin lan egin zuen Italian eta Frantzian.
Koreografia-laguntzailea
2003/04 denboraldian Jorma Elo koreografoaren laguntzaile gisa lan egin du NDTrako sorkuntza-lan batean.
Dokumentuaren akzioak
Erantzun
