Dokumentuaren akzioak
Telmo Esnalen "Dantza" pelikula proiektuaren trailerra ikusgai
Dantzan
Telmo Esnal eta lantaldea Dantza pelikularen lehen irudiak filmatzen.
Urte berri on, amona! (2011) edo Aupa Etxebeste! (2005) euskal film arrakastatsuak zuzendu ditu besteak beste Telmo Esnalek, eta orain dantzaren inguruko filma egiteko proiektuarekin ari da buru-belarri. Dantzari aritu izan da Telmo Esnal, Zarauzko Iratzarri eta Donostiako Goizaldi dantzari taldeetan aritu zen hainbat urtez, eta Argia taldearen Zortziko ikuskizunean ere dantzatu zuen.
Euskal dantzen inguruan pelikula egiteko asmoz beste bi sortzailerekin elkartu da Esnal: Koldobika Jauregi artista plastikoarekin eta Juan Antonio Urbeltz euskal dantzen ikertzailearekin. Dantzen bidez istorioak kontatzeko asmoz, film plastiko eta iradokitzailea egiteko proiektua landu du Telmo Esnal-ek, euskal dantza tradizionalean oinarrituta ikusentzunezko sorkuntza lana burutzeko gogoz.
Informazioa: Dantza (Txintxua Films)
Dokumentuaren akzioak
Erantzun
