Jon Doni soka-dantza Biarritzen eta herriz herri dantzan San Joan bezperan

Ekainak 23a, San Joan bezpera iritsi da eta honekin batera baita hamaika dantza emanaldi ere Euskal Herriko hainbat txokotan. Gaur bertan hasi eta datozen egunotan San Joan zortziko, soka-dantza, su eta abarrek plaza eta karrikak hartuko dituzte han eta hemen. Besteak beste, gaur bertan Errenterian, Arbizun, Biarritzen, Beasainen, Donostian, Abaltzisketan, Urdiainen, Andoainen, Pasai Antxon, Aretxabaletan, Iruñean, Hernanin, Lasarte-Orian, Zizurkilen, Astigarragan, Sestaon edo Arizkunen ekingo diote dantzari.

Biarritzen Maritzuli konpainiak lehen aldiz soka-dantza egingo du San Joan bezperan, eta beste hainbat tokitan moduan, suarekin eta dantzaldiarekin, Aiko taldeak lagunduta, helduko diote Jon Doni festari. Mazon parkean izango da, dantzaldia 19:30ean eta sua eta soka-dantza 22:30an.

Hona San Joan bezpera eta eguneko zenbait ekitaldi:

San Joan bezpera dantzan

• Errenteria: San Joan bezperako Soka-dantza. 22:00etan, Herriko enparantzan.
• Arbizu: Zortzikoa. 20:30etan, San Joan ermitan.
• Biarritz: Dantzaldia Aiko taldearekin 19:30ean eta soka-dantza Maritzulirekin 22:30etan, Mazon parkean.
• Beasain: Neskatxen esku-dantza. 22:00etan.
• Donostia: Gizon-dantza. 19:00etan, Konstituzio Plazan.
• Abaltzisketa: Soka-dantza. 21:30etan.
• Urdiain: san Jaunen kantaia. 20:30etan.
• Andoain: Soka-dantza. 20:15etan Goikoplazan.
• Pasai-Antxo: Aurreskua. 22:30etan Zumardian.
• Aretxabaleta: San Joan zortzikoa. 22:00etan.
• Iruñea: Soka-dantza. 19:00etan, Arriasko plazan.
• Lasarte-Oria: Zortzikoa eta soka-dantza. 21:30etan, Okendu plazan.
• Zizurkil: San Joan dantza. 22:30etan Joxe arregi plazan.
• Astigarraga: San Joan zortzikoa. 19:30etan
• Sestao: Sorginen haizeak (Salleko dantza-taldearen emanaldia). 00:30etan, Kasko plazan.
• Arizkun: Mutil-dantzak. 21:30etan.

San Joan eguna dantzan

• Usurbil: San Joan soka-dantza. 19:00etan.
• Altsasu: San Joan zortzikoa. 20:00etan.
• Tolosa: Bordon-dantza eta soka-dantza. 10:00etan.
• Arizkun: Mutil-dantzan. 12:00etan eta 21:30etan, herriko plazan.
• Eibar: Soka-dantza. 23:00etan, Untzaga plazan.
• Andoain: Azeri-dantza eta soka-dantza. 12:00etan Goikoplazan.
• Leioa: San Joan aurreskua. 12:00etan, udaletxean.
• Uharte-Arakil: San Joan zortzikoa. 12:00etan.