Aukeranen Migratzaileak, emozioak eta galderak mugimenduan

Migratzaileak dantza ikuskizuna sortu du Aukeran dantza konpainiak; obra honen bidez migrazioaren inguruko emozioak eta galderak sorrarazi nahi dizkiote ikusleari. Donostiako Dferia azokan aurkeztu berri dute lana, eta datorren emanaldia Bilboko Loraldia festibalean izango da, hilaren 25ean, 19:30ean, Arriaga Antzokian.

Mugitzen, migratzen

25 urte dira Aukeran oholtzetan mugitzen hasi zela; Migratzaileak 15. ikuskizuna da. Lan honekin ikusleak hausnartzera gonbidatu nahi ditu: "Zer da migratzaile izatea ez bada, funtsean, mugitzea: gorputz bat lekuz aldatzeko prest egotea, eta leku berri horretan norbera den gorputza berriro deskubritzea. Lekuz aldatzean gorputzaren barruko guztia mugitzen da harekin: ametsak, beldurrak, minak eta itxaropenak".

Oholtzan migratzen, ideiak dantzatzen eta gorputzak mugitzen ibiliko dira Ane Anza, Ane Etxeberria, Unai Iraola, Maier Muruamendiaraz, Nahikari Sanchez, Uxue Sanchez, Danel Serrano eta Claudia Talavera; Edu Muruamendiarazen zuzendaritzapean. Oier Guillanek egin du gidoia, Xabi Aburruzagak konposatu du musika eta argiztapenaz Carlos Solano arduratu da.

Fitxa artistikoa eta teknikoa

• Zuzendaritza: Edu Muruamendiaraz

• Gidoia eta Dramaturgia: Oier Guillan

• Musika konposatzailea: Xabi Aburruzaga

• Koreografia berezia “Aukeran 2.5”: Iker Karrera

• Koreografia garaikideak: Ane Anza, Maier Muruamendiaraz.

• Argiztapen-diseinua eta zuzendaritza teknikoa: Carlos Solano

• Jantziak: Oscar Armendariz

• Dantzariak: Ane Anza , Ane Etxeberria , Unai Iraola , Maier Muruamendiaraz , Nahikari Sanchez , Uxue Sanchez , Danel Serrano , Claudia Talavera

• Off-eko ahotsak: Intza Alkain, Yoro Ndiaye

• Ekoizpena: Eli Alberdi

• Ekoizpen laguntzailea: Jaione Jauregi

• Ilustratzailea: Carlos Latorre León

• Banaketa: Bapo Bapo Produkzioak

Migratzaileak Loraldia festibalean

• Noiz: Martxoaren 25ean, 19:30ean.

• Non: Bilboko Arriaga Antzokian.

• Sarrerak: Arriaga Antzokia