Dantza tradizionalak lanabesekin: makil dantzak penintsulan

Artikuluak aurkezteko deialdia. Proiektua: "Dantza tradizionalak lanabesekin: makil dantzak penintsulan" (Jentilbaratz. Cuadernos de Folklore)

Interesatuek lanen laburpenak, 10 lerrokoak gehienez, argit4@eusko-ikaskuntza.org helbide elektronikora bidali beharko dituzte 2010eko urriaren 15a baino lehen, norberaren posta, telefono, e-posta eta lanbide datuekin batera.

Behin betiko artikuluek, horien gauzatzea aldez aurretik onartuak izanik, 15-20 inguru orriko luze-laburra izan beharko dute (Arial letra, 10 neurrikoa, lerroarteko bakuna) eta euskarri informatikoan bidaliko dira 2011ko urtarrilaren 31a baino lehen helbide honetara: Eusko Ikaskuntza. Servicio de Publicaciones. Fueros 5 - Local G. 20005 Donostia. Argibide gehiagorako  argitalpen arauak kontsultatu

Makil dantzak

Iberiar Penintsularen lurraldeko dantza tradizionalez eta, zehazkiago, makilak, bastoiak edo antzeko lanabesak erabiltzen diren dantzei buruzko lanak aurkezteko lehen deialdi honen gaiak behartu egiten du era guztietako irudikapenetan agerturiko nagusitasuna eta jarraitutasuna zehaztera: hala gaur egungo jaietan nola historia mailan.

Atalak nondik jotzeko bideak dira: koreografiak, doinuak, jokoak, etab. Hori guztia jai eta historia testuingurua ahal den neurrian zabalduz, baita dagokien gizarte esparrua ere. Dantzaren Historiak, Dantza eta gorputzaren Antropologiak, Ikusizko Antropologiak eta alderdi birtualari dagokion guztiak, neurri handi batean, kultura eta gizarte esparruetako bakoitza diseinatu, indartu eta kohesionatzen dute, baina ez ditugu ahaztu behar gutxienez azken berrogeita hamar urteetan gertaturiko aldaketak, janzkera, jaiaren osagaiak, turismoaren interesak eta negozioa direla eta.

Aurkezpen eta irudikapen prozesu guztiak kanpora begira gauzatzen dira fisikoki eta intelektualki, baina baita irakaskuntza arautuan ere. Duela denbora batetik, dantza curriculumaren zati bat izatera pasa da, nahiz ez zaizkien eman behar besteko garrantzia eta baliabideak.

Dantza tradizionalak, maila pertsonalean harremana mantentzen jarraitzen duen elementu bizi gisa, bere unean komunitate bakoitzean garrantzia izan zuen ondarea kontserbatu eta transmititzeko balio du. Lanabesa, makila, aukerako osagarria da hainbat alderditatik: errituala eta ludikoa, gerra eta jokoa, gizontasuna eta trebetasuna.