Lore Gazteak Euskal Dantza Taldearen 50. urteurrena Arrasaten urriaren 25ean

Arrasateko Lore Gazteak Euskal Dantza Taldeak 50. urteurrena ospatuko du urriaren 25ean. Egun horretan, taldeko kide diren eta izan diren 250 dantzari eta musikari inguruk hartuko dute parte eta honakoa da prestatu den egitaraua:

11:45etan: Hasiera emango zaio egunari Arrasateko kaleetan zehar egingo den kalejirarekin.

12:15etan: Herriko plazan dantza ikuskizun berezi eta jendetsua eskainiko da.

14:45etan: Bazkaria egingo da Uarkape pilotalekuan eta deialdia parte hartu nahi duen edonori luzatu nahi zaio.

18:30etan: Fan & Go taldearen eskutik erromeria.

Eguraldi txarra egingo balu, Uarkapeko pilotalekuan egingo da dantza ikuskizuna.

Urteurrena ospatzen jarraituko du taldeak abendu aldera. Izan ere, beste hainbat ekintza antolatu dira: euskal erropen eta argazkien erakusketa Kulturaten, dantza taldearen ibilbidearen inguruko bideoaren aurkezpena (erakusketarekin batera), Euskal janzkera tradizionalaren inguruko hitzaldia eta buruko zapia nola jantzi daitekeenaren inguruko tailer bat besteak beste.

Bazkarirako OHARRA: bazkariaren ordainketa Laboral Kutxako ES 29.3035.0001.56001.01.29238 kontu korrontean egin beharko da urriaren 18a baino lehenago. Prezioa: txikientzako menua 10 euro, gainontzekoek 22 euro. Ordainketa egiterakoan ez ahaztu izen abizenak emateaz.