Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Llangollen-eko sariketa irabazi du Gero Axular-ek umeen sailean

Dokumentuaren akzioak

Llangollen-eko sariketa irabazi du Gero Axular-ek umeen sailean

2011/07/08 10:42
Llangollen-eko sariketa irabazi du Gero Axular-ek umeen sailean

Argazkiak: Gero Axular

Galesen ospatzen den Llangollen-eko nazioarteko musika eta dantza txapelketa irabazi du Donostiako Gero Axular dantza taldeak. Umeen taldean lehen saria eskuratzeaz gain, bakarlari onenaren saria ere bereganatu dute donostiarrek.

Hamar neskak osatutako taldea aurkeztu du lehiaketan Gero Axularrek, eta agurra, uztai-txiki, launango, fandangoa, arin-arina eta biribilketa eskain ditu bere emanaldian. Emanaldi horrekin, umeen sailean, dantza tradizionaleko emanaldia eskaini duen talde onenaren saria eskuratu du Gero Axular dantza taldeak. Hona hemen Gero Axularrek eskainitako emanaldiaren bideoa:

Taldekoako lehen sariarekin batera, dantzari bakarlari onenaren saria ere eskuratu dute donostiarrek. Hain zuzen ere Onintza Unzurrunzaga taldeko dantzariak jaso du sari hori.

Gero Axular Llangollen-en

Aurretik ere zenbait euskal dantza taldek irabazi izan dute Llangollen-eko sariketa, helduen dantza taldeen sailean hain zuzen ere. Donostiako Goizaldik 1956an, Galdakaoko Andra Marik 1968an, Donostiako Eskolak 1991an eta Donostiako Kresalak 1997an.

Dokumentuaren akzioak

Eneritz
2011/07/08 20:11

Ez dakit zergatik esaten duzun hori. Agurra, uztai-txiki, launango, fandangoa, arin-arina eta biribilketa. Ez dira dantza tradizionalak? Launango zabaletara egin dute luzetara ordez, baina hori ere ez da aldaketa handiegia, ez?

ARAMBURU
2011/07/11 03:07

Gabon Lagunak¡

Gezurra dena?

Ezaguten ote du Nureyek (ukraniarra agian?) Llangollen ospatzen den Dantza Txapelketa? azaldu dezala

Ezagutzen du Gero Dantza Taldea?

Kritika bota gain, zer egiten du Nureyek-ek Euskal Dantza tradizioa aurreraka joateko?

Zorionak GERO¡

Nureyev
2011/07/08 19:38

DANTZA TRADIZIONALEKO emanaldia eskaini duen talde onenaren saria? Mesedez! Orain modan dauden koreografia p... horietako bat da eta! Lotsagarria hau saltzen joan izana.

Nureyev
2011/07/09 15:58

Kontua ez da nik badakidan edo ez. Dakitena da fandangoa tradizionalki dantza-solte gisa definitu izan dela, bikote dantza gisa, eta ez denek aurrera begira egiten duten hori (urratsekin sakondu gabe, ze hor ere tela...).

Tradizionalki ere eskuak jartzeko modu hori, posea, ez da sekula ikusi.

Ezta ere uztai-txikin uztai-jokoa egitean hankak mugitzeko era hori.

Launakoan aldiz zerorrek aitortu duzu...

Eta abar luze bat.

Gauza bat da dantza tradizionala, tokian-tokian egiten den hura, oholtzara eramatea edo dagokion tokian egitea.

Bestea, aldiz, Gerok egiten duena: Dantza horietaz baliatu, hauekin nahi dena egin, nahieran aldatu eta dantza tradizional gisa saltzea nazioarteko txapelketa batean. Non ikusi duzu Euskal Herrian horrela dantzatzen Eskola eta Gero Axular dantza taldeetatik kanpo? Tradizionala da edo bi taldeen kontua? Nor gara gu tradizioarekin nahi ditugun lizentziak hartzeko?

Nik tradizioa ez dut zerbait estatiko gisa ikusten, aldatuz doan zerbait da, bai, baño aurreraka joan behar luke eta ez horrela, atzeraka. Benetan uste duzu dantzari-dantza horrela egingo dutela Durangaldean, edota fandangoa Aian, Aisterrazun, Arratian... horrela dantzatuko dutela edo dantzatu dela?

Zer da tradizioa zuentzat?

Nik argi daukat zer den, nahiz eta akaso, ondo azaldu ez badut ere. Nik ez det esaten Gerok hori egiten duena egin behar duenik ala ez, esan nahi nuena da dantza tradizionalaren sari bat irabazi duela dantza tradizionalik egin gabe, koreografia batzuk dira irudietakoak. Eta horrek sutan jartzen nau.

Nazioarteko jaialdi batean saritu dituzte dantza tradizionala egiteagatik. euskal ordezkari gisa joan dira eta ez dute euskal dantza egin. Ikusle zegoen mundu guztiak, orain, hori hemen horrela egiten dela pentsatuko du eta gezurra da. Egunero bonbak jartzen diren Euskal Herria bezala... dena gezurra.

sutan.com
2011/07/13 11:27

Hi, Nureyev, sutan ba zaude suhiltzaileei deitu. Gaur egun euskal dantza dantzatzen duten neska mutilak behar dira, berdin du tradizionala , koreografiatuta edo pinu baten zintzilika. jatetxeetan ere babarrun tradizionalak ez dira erraz aurkitzen, eta zer?? I+D

aupa gaurko dantzariak!!!!!

Eneritz
2011/07/08 20:12

Ah, eta Zorionak neskak!!!

Alfredisa Bad
2011/07/09 14:43

Eskerrak dantzan.com-i bideoa ikusteko jarri duelako. "Gero"ren saioa zoragarria iruditu zait !!! Aditua ez naizen arren, jantziak, dantzak eta musika tradizionalak dirudite, baina tira, Nureyevek inork baino gehiago badaki ba...beretzat txakur txikia.

ZORIONAK NESKAK!!!

Donostiarra
2011/07/11 11:21

Gazteleraz esaten den moduan, "sin comerlo ni beberlo" ez dakit Eskola zergatik aipatzen dezun...

Neureyev
2011/10/07 12:04

Ni ados nago Reureyev-ekin puntu batean: Gerok Langollenen ez ditu dantza erabat tradizionalak dantzatu. Langollenen oso zorrotz kontrolatzen dute dantza tradizionala. Partaideei dantzatuko dutenaren dokumentazioa eskatzen zaie eta dantzek estriktuki tradizionalak behar dute izan. Horregatik neu ere ados nago Gerok ez dituela dantza tradizionalak aurkeztu esatean. Besterik da Gerok zer egin nahi duen bere emanaldietan. Erabat zilegia da. Norberak egin dezala nahi duena, noski baietz! Baina bakoitzari berea. Niri ez didate Mini batekin 1 formulan parte hartzen uzten.

Dantzazale
2011/07/08 20:04

Denetarako tokia dago. Garrantzia duena kultura bizitzea da.

Erantzun

Erantzuna emateko identifikatu egin behar zara, gure webgunean erabiltzaile bat sortuz.