Hemen zaude: Hasiera Albisteak '... Librea ninçana' Donostiako Victoria Eugenia antzokian urriaren 21ean

Dokumentuaren akzioak

'... Librea ninçana' Donostiako Victoria Eugenia antzokian urriaren 21ean

Memoriaren mapa ostu digute. Eta halere, galduta gabiltzanik ezin esan. Hamaika kontu azaldu digute, nondik gatozen ahantz dezagun. Eta halere, nora goazen argi dugu. Beste iragan bat asmatu digute, oraina neurri horretara molda dezagun, etorkizuna neurri horretan eraiki dezagun. Armen indarrez hartu gintuzten, odola isuri arazi, zapaldu. Ez dugu zer ospatu, baina badugu zer esan. Ez gara iragana, arbasoen memoria soilik aldarrikatzen ari; ez da joandako mendeen malenkonia, etorkizun-irrika baizik. Geurea denez geuk, gure nahierara, eraikiko dugun etorkizunaren irrika, alegia.

Nafarroako konkistaren V. mendeurrenaren harira, Iruñeko Ortzadar Euskal Folklore Elkarteak “... librea ninçana” agerkizuna eskeiniko du Victoria Eugenia Antzokian, Donositan, urriaren 21ean. Gerraren, biolentziaren bizipen txikia du hizpide, gertakizun erraldoia baino. Mahai inguruko hasperena, aulki hutsa, borrokara joan eta itzuli ez denaren ausentzia. Berdin dio 1512az ari garen ala 1936az.

Emakumeari ere omenaldia egiten zaio, indarkeria bere larruan sufrituagatik, historia-liburuen ahanzturaren zigorra ere pairatzen duelako, nahiz eta bera izan hurrengo egunera arte behintzat etxea, bizia hitz batean, aurrera ateratzeko adorea biltzen duena. Hori guztia da ... libre ninçana. Hori, eta egunei egunak josiz, bost mende beranduago zutik jarraitzearen ospakizuna.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.