Lezo, 50 urtez dantzari

Esaterako martxoan urte guzti hauetan txapeldun izan direnen sariak eta milaka argazki bildu dituen erakusketa bat antolatu zen. Ekainean berriz, San Juan Sua soka berezi eta arrakastatsu bat eskaini zitzaien herritarrei, gaur egungo dantzari eta dantzari ohiekin batera.

Irailean berriz, artzain eta inudeen desfile ikusgarri baten ostean, bazkari erraldoi batean parte hartzeko aukera izan zuten 50 urte hauetan partaide izan diren guztiek.

Guzti hau borobiltzeko, Azaroaren 24an emanaldi berezi eta garrantzitsu bat eskainiko da. Bertan Murixka dantza taldeak eta dantzari ohiek osatuta 80 dantzari baino gehiagok parte hartuko dute. Emanaldi berezia izango da, dantza tradizionalekin hasi eta gaur egungo dantza eta koreografietara iritsiz. 50 urte hauetan Lezoko dantza taldean izan duen eboluzioa islatuko da bertan, musikari eta abesbatzaren laguntzarekin. Ordu eta erdiko emanaldi honetan ere sorpresa ugari izango dira.

Murixka dantza taldeak, beste hainbat kolaborazioren laguntzarekin lan handia egin du guzti hau aurrera ateratzeko, eta batez ere larunbat honetan izango den ekitaldi hau prestatzeko. Beraz, anima zaitezte, ikusgarria izango da eta. Azaroaren 24ean izango da Lezoko Bekoerrota kiroldegian gaueko 10tan.

Bestalde, 50 urte hauek biltzen dituen liburu bat argitaratuko da gabonetarako, honekin 50.urteurrenari amaiera emanez, baina datozen urteei ateak irekiz.