Lauarin Folklore Jaialdia ospatuko Donostian da asteburuan

Donostiako Eskola, Trebeska, Goizaldi eta Arkaitz, Oiartzungo Elizalde eta Haurtzaro eta Lazkaoko Oin Arin dantza taldeek parte hartuko dute Lauarin folklore jaialdian. Horiekin batera, Madriletik etorritako Grupo Folk Raices de Cenicientos taldea arituko da.

Lehen kalejira eta dantza emanaldiak gaur arratsaldean izango dira, Egia auzoan 17:00etatik aurrera, 19:00etan Alde Zaharrean, eta 20:00etan Konstituzio Plazan. Larunbat eguerdian, Antiguon izango da jaialdia. Larunbat arratsaldean dantzari gaztetxoenak arituko dira Alde Zaharrean, Lauarin Txikiaren baitan, eta ekitaldi nagusia, larunbat arratsaldean, 20:00etan Konstituzio Plazan izango da. Igande eguerdian berriz ere Konstituzio Plazan izango dira dantza ekitaldiak, eta arratsaldean Amaran.