Karrikan ikuskizunaren entsegu publikoa eta aurkezpena

Kukai Dantza Konpainiak maiatzaren 11ean antolatu duen ekitaldi baten berri eman nahi dizue. Errenteriako Udala eta Errenteria Musikal Musika eta Dantza eskolarekin elkarlanean antolatzen duen egitarauren baitan, Kukai Dantza Konpainiak entsaio publikoa egingo duela kulturguneko 2.solairuko entsegu gelan.

Kukaik, bere azken lana eskaintzera dator: Karrikan.
“Sei dantzari eta Dj bat biltzen dituen kale ikuskizuna da. Kukai hiru koreograforekin elkarlanean jardun da proiektu honetarako, eta hiruen lanak bilduz Karrikan proiektua osatu du”

Maiatzaren 13 eta 14ean Leioako Umore Azokan estreinatuko den Karrikan ikuskizun berria Donostian aurkeztuko da maiatzaren 11ean.