Hemen zaude: Hasiera Albisteak Kolonbian dabiltza dantzan Aurtzakako dantzariak

Dokumentuaren akzioak

Kolonbian dabiltza dantzan Aurtzakako dantzariak

dantzan.com
2007/09/25 10:21
Beasaingo Aurtzaka dantza taldeko dantzari eta musikariak Kolonbian daude egunotan, bertako hainbat hiritan emanaldiak eskaintzen. Pasa den igandean Zipaquiráko katedralaren auditorioan emanaldia eskaini zuten eta datozen egunotan Chia, Funza, Bogotá, Ubala eta Gamma bisitatuko dituzte.
Bihar, asteazkena, irailak 26, Funza hirian emanaldia eskainiko dute, eta arratsaldean Bogotán izango dira, bertako Euskal Etxean.

Hona Joseba Juarez-ek Kolonbiatik bidalitako hitzak:


Argazkiak Zipaquirakoak dira. Herriko antzokian aktuatu gendun eta nahiko betea zegoen (400 pertsona inguru). Ordu bete inguruko iraupenez aritu ginen eta oso gustora geratu ziren, baita gu ere. Bertara Euskal Etxeko zenbait ordezkari bertaratu ziren.
 
Herri honetan oso ondo hartu gintuzten. Bertako gatz meategiak ikustera eraman gintuzten (oso polittak eta harrigarriak) eta udaletxearen aldetik gurekiko harrera oso ona izan zen momentu oro. Zipaquirako plazan Ikurrinak badu bere lekua eta Euskadirekiko harremana nabarmena eta nolabiteko sendoa dela ageri zen. Bertan 2005. urtean lehendakaria egon zen eta ordudanik egun hori jende askok du gogoan.

Aurtzaka Kolonbian taldekoa

 










Aurtzakakoak Zipaquiran


Hona Aurtzaka dantza taldeak Kolonbian egingo duen biran izango duen egitaraua:

  • Igandea 23. Zipaquiran emanaldia
  • Asteartea 25. GOIZEAN Gobernación de Cundinamarcan (Bogotan) bisita eta emanaldia
  • Asteartea 25. ARRATSALDEAN Mosquera - Cundinamarcan emanaldia.
  • Asteazkena 26. Funzan emanaldia.
  • Osteguna 27. Chia (Cundinamarca) eta Bogotako Euskal Etxean (Gernika plazan) emanaldia.
  • Ostirala 28. Zehaztear dagoen beste emanaldi bat.
  • Larunbata eta Igandea Guavio eskualdera irteera Guavio, Gama eta Ubala herrietan emanaldiak eskainiz.

20 lagunek osatzen dute Aurtzakak bira honetarako prestatu duen taldeak.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.