Kemen dantza taldearen jantzien erakusketa

Erakusketa honetan Nafarroako puntu ezberdinetako jantziak aurkitu daitezke. Hauetako jantzi batzuk jatorrizko herrietan egun berezietan erabili ohi dituzte: Inauterietan edota herriko jai nagusietan.

Beste jantzi batzuk ordea, XIX. mende amaiera eta XX. mende hasierako urteetan eguneroko bizitzan erabili izandakoak dira (jantzi zibilak). Kemen dantza taldea 1973. urteaz geroztik bere jantziteria osatuz joan da, burutzen dituen hainbat dantzaren ezinbesteko osagarri baita.

Erakusketa Hondarribiko Zuloaga etxean abuztuaren 16tik 29ra bitartean zabalik egongo da.