Hemen zaude: Hasiera Albisteak Juan Arriola eta Arkaitz Miner: Hariari Tiraka diska berria

Dokumentuaren akzioak

Juan Arriola eta Arkaitz Miner: Hariari Tiraka diska berria

2012/11/02 08:35
Juan Arriola eta Arkaitz Miner biolinjoleak proiektu honetarako elkartu dira herri musikan norberak egindako ibilbidearen jarraipenerako. Bat egin dute arrabitarekin bertako herri musikako interpreteen lenguaia bereganatzeko helburuarekin: trikitilariak, txistulariak, xirulariak, panderojoleak etab. Horretarako euskal herri musikan ohikoak diren doinuekin: fandango eta arin-arinak, kalejirak, jauziak, zortzikoak eta bertso doinuak.

Aintzinako arrabitajoleak gogoan, baina haratago joanda, gaur egunera iritsitako soinu tresnen hizkuntza eta espiritua bere egiteko ahaleginarekin datoz euren kabuz ekoitzitako grabazio honetan. Honetarako bidelagun izan dituzte: Xabier Berasaluze "Leturia", Alasdair Fraser, Natalie Haas eta Amaiur Cajaraville. Bi biolin gordinki, arrabitaren hizkuntza, aspaldi isildutako ikuspuntu edo ñabardura, arnas bat,  espiritu bat, aukera bat, behar ditugun garai berriotarako.

Juan Arriolak eta Arkaitz Minerrek ateratako Hariari Tiraka diska berria Elkar dendetan ala www.elkar.com wewgunean aurkitu dezakezue, Hariari Tiraka izenburua bilatuz.

Dokumentuaren akzioak

2012/11/03 15:23
Lan txukuna, soinu zuzena, konplejorik gabe, disko bilduman izan behar den horietakoa.
2012/11/04 21:10
Nik ere erosi nuen duela 2-3 aste eta oso txukuna da! Eta polita, era berean, Mikel Urbeltzek, Miner-ek berak Gari Otamendirekin Arrabots taldean, irekitako bidean beste urrats bat ematea!

Erantzun

Erantzuna emateko identifikatu egin behar zara, gure webgunean erabiltzaile bat sortuz.