Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Jantzien kodexa, XVI. mendera bidaia koloretsua

Dokumentuaren akzioak

Jantzien kodexa, XVI. mendera bidaia koloretsua

2013/12/05 13:30
XVI. mendeko Europako hainbat eskualdetako jantzi eta ohiturak erakusten dituen liburu ederra da "Jantzien kodexa". Espainiako Liburutegi Nazionalak digitalizatu eta sarean jarri du, eta bertako irudiez gozatzeko aukera dugu. Badira tartean, dantzako irudi ederrak. Frantzia, Ingalaterra, Holanda, Alemania, Espainia eta Ameriketako irudiak ageri dira besteak beste, eta baita "Nawarra" izenburua daramatenak ere. Hona horietako batzuk:

Lumaz egindako ilustrazioak dira, ondoren kolore biziz margotuak. "Der Spanisch Dantz" izenekoak dira hemen ageri diren lehen biak (eskuinekoa eta azpikoa). Espainiako zenbait eskualdetan (Asturias, Gaztela...) gaurdaino erabiltzen jarraitu den pandero karratuarekin dantzan ageri dira azpiko bi irudietan.

1500-1600-Codice-de-trajes-bdh-bne-5-der-spanish-dance-1.png

1500-1600-Codice-de-trajes-bdh-bne-6-in-spania-die-medlach.png

Ondoko irudietan, lehena ezezaguna gertatzen zaigun "Pisgeina" izeneko eskualdeaz ari da eta bigarrenak "Die Ivnckfrawen in Nawara" esaten du.

1500-1600-Codice-de-trajes-bdh-bne-14-1200p

Emakume taldeak Nafarroan ondoko irudietan. 

1500-1600-Codice-de-trajes-bdh-bne-15-1200p

Ondoko irudian herritar batzuk ageri dira dantzan. Beno, ezkerreko bikotea dantzan dago, eta eskumako bikotea ere dantzan dagoela dirudi, gizonezkoa esku-luze samarra iruditzen bazaigu ere... "Der Buren dantz im Etzs land" izenburua dauka irudi honek. 

1500-1600-Codice-de-trajes-bdh-bne-43_der-buren-dantz-im-etzs-land.png

Espainiako Liburutegi Nazionalaren webgunean jaso dugu XVI. mendeko Jantzien Kodexa. Ondoko loturetan liburua osorik ikusteko aukera duzue, bai irudiz-irudi eta baita pdf formatuan ere.

Dokumentuaren akzioak

2013/12/05 13:37
Azken irudi hori ikusita, arrazoia izanen zuen Frai Bartolomek agian :P
2013/12/05 15:03
zoragarria liburua!
Christoph Weiditz-en Trachtenbuch izeneko beste Jantzien Kodex-a Nuremberg-ko museoak dauka digitalizatua, eta bertan ikusi daiteke bizkaitar dantzari emakume hau (beste euskal pertsonai askoren artean):
http://dlib.gnm.de/item/Hs22474/235/html/z600
pentsatzen dut hau izan daitekeela Iñaki Irigoien-i entzuna diodan euskal dantzari baten marrazki zaharrena, emakume batena, portzierto!
2013/12/10 09:23
Mila esker Weiditz-en liburuaren loturagatik Mikel!
Pisgeina hitzari buruz, Oier Gorosabel-ek twitterren galdetu du ea ez ote den izango "vizcaina" hitzaren transkribapen fonetikoa.
https://twitter.com/Txikillana/status/408888045383843840

Erantzun

Erantzuna emateko identifikatu egin behar zara, gure webgunean erabiltzaile bat sortuz.