Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Iztueta jaio zeneko 250. urtemugako ospakizunak gaur hasiko dira Zaldibian

Dokumentuaren akzioak

Iztueta jaio zeneko 250. urtemugako ospakizunak gaur hasiko dira Zaldibian

2017/11/16 12:05
Iztueta jaio zeneko 250. urtemugako ospakizunak gaur hasiko dira Zaldibian

Irudia: Antonio Valverde

Juan Inazio Iztueta jaio zela 250 urte beteko dira azaroaren 29an. Bera eta bere lana oroitzeko eta omentzeko asmoz, Iztueta elkarteak, Gipuzkoako Euskal Dantzarien Biltzarrak eta Zaldibiako Udalak hainbat ekintza antolatuko ditu. Sorterrian egingo zaion bosgarren omenaldia azaroaren 16tik 29ra luzatuko da. Bitarte horretan, Iztueta Elkarteak antolatutako Iztuetari buruzko erakusketa egongo da ikusgai Zaldibiako Karreane Kultur Etxean.

  • Azaroak 16, Jose Inazio Ansorena ‘Piter’-en hitzaldia. ‘Juan Inazio Iztueta: bizarra urdina, baina txit arina’. Aitor Furundarenak soinuarekin lagunduko dio. Dantzariak: Miren Nazabal eta Oinatz Martinez. 19:00etan Zaldibiako Karreane Kultur Etxean.
  • Azaroak 18, Iztuetaren testuen irakurketa ibiltaria Zaldibian zehar: Mugertza, Zubiondo, plaza, Madalenane eta Txamarretxe zeharkatuko dira, 12:00etan hasita. 18:30ean, Zaldibiako lehengo eta oraingo dantzarien saioa Resti frontoian.
  • Azaroak 23, Gerardo Elortza historialariaren hitzaldia 18:30ean, Zaldibiako Karreane Kultur Etxean. ‘Iztuetaren garaia eta lanak’.
  • Azaroak 26, Donostiako, Zaldibiako eta Goierriko txistularien, eta Euskal Dantzarien Biltzarrak gonbidatutako dantzarien saioa, Zaldibiako plazan 12:00etan.
  • Azaroak 29, hainbat herritan dantza saio bereziak egingo dira 18:30ean. Oraingoz baieztatutako herriak: Zaldibia, 18:30ean, Iztueta plazan.
  • Iztuetari buruzko erakusketa azaroaren 16tik 29ra, Zaldibiako Karreane Kultur Etxean. Astelehenetik ostiralera 17:00etatik 19:30era. Azaroak 18 (larunbata) eta azaroak 26 (igandea): 10:00etatik 12:00etara.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.