Hemen zaude: Hasiera Albisteak Izar Bide, Paueko euskal dantzarien ikusgarria

Dokumentuaren akzioak

Izar Bide, Paueko euskal dantzarien ikusgarria

dantzan.com
2007/10/03 10:25
2007ko azaroaren 16an aurkeztuko da Pauen bertako euskal dantzariek prestatu duten ikuskizuna: Izar Bide, L'odyssée basque. Pau hiriko Lagunt eta Maita dantza taldeek Zenith antzokian aurkeztuko dute euskal dantzetan oinarritutako ikusgarria. Euskal diaspora zabala bizi da Pauen, 1000 familia euskaldun bizi dira bertan, eta komunitate horren lanaren emaitza da ikusgarri hau.
Diasporan bizi den herri baten historia jaso nahi izan dute Lagunt eta Maita dantza taldeek Izar Bide dantza eta kanta ikuskizun honetan. Hain zuzen ere, Paueko euskal komunitatearen historia:

"Euskaldun itsas gizon handiek izarreri begira egin zuten bide eta mundu berria aurkitu, gisa berean hala beharrez euskaldunek milaka egin dute bide herbeste eskualdetarat. Suerteak sortzen ditu elgarren ezagutzak, izpirituetan marka uzten eta izarren bidetan dabilizanen gizonen gogoak orratzen".

Pier Pol Berzaitz-ek musikatutako Zeluko izarren bidea poema anonimoaren inguruan hezur-mamitu da ikuskizuna, eta musika tradizional eta garaikideekin osatu du soinu banda Karlos Gimenez-ek. Koreografiak Edu Muruamendiaraz-ek prestatu ditu, Didier Kimmoun arduratu da antolaketa lanetaz, eta Nif Nicolao argi eta soinuaz.

Izar Bide

Lagunt eta Maita dantza taldeak

2007ko azaroaren 16an
Zenith antzokian (Pau)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.