Edukira salto egin | Salto egin nabigazioara

Tresna pertsonalak
Hemen zaude: Hasiera › Albisteak › Itziar Mendizabal, Euskaldunak eta Dantza 10. jaialdiko izar nagusia

Dokumentuaren akzioak

Itziar Mendizabal, Euskaldunak eta Dantza 10. jaialdiko izar nagusia

Iratxe de Arantzibia
2014/09/19 10:05
Itziar Mendizabal, Euskaldunak eta Dantza 10. jaialdiko izar nagusia

Itziar Mendizabal eta Johannes Stepanek

Hilabete falta da Euskaldunak eta Dantza 10. Jaialdirako. Itziar Mendizabal (Hondarribia, 1981), Londresko The Royal Ballet-eko lehen bakarlaria izango da jaialdiko izar nagusia. Prix Benois de la Danse-rako —dantzaren Oskarra—hautagai izendatua 2009an eta munduko bost konpainia garrantzitsuenetako baten kide, euskal artistak Euskaldunak eta Dantza jaialdiko historiaren txalo zaparrada handiena jaso zuen Kai (2011) lanaz egindako interpretazioagatik, hogei minutuz txaloka aritu baitziren ikusleak. ABBek antolatzen duen ekitaldian izango duen parte hartzearekin, Mendizabal Bilboko udazkeneko ekitaldian parte hartzea gehien izan dituen dantzaria da: hamar jaialdietatik bostetan hartu du parte (2007, 2009, Aste Nagusia 2011, 2011 eta 2014). Oraingoan, "The Creation" Uwe Scholz-en koreografiarekin eta "Piaf a deux" Paul Chalmerren koreografiarekin dantzatuko ditu. Jean-Sebastian Colau izango du bikote. 

Euskaldunak eta Dantza jaialdiari buruz, Itziarren hitzetan: 

Etxean dantza egitea gutxitan gertatzen den pribilegioa da, baina ABBEri esker maizago egiteko aukera izan du. Hunkigarria gertatzen zait nazioarteko koreografiak ekarri eta nire herriko ikusleei atzerrian egiten dugun lana erakustea. Egia esan, zorionekoa sentitzen naiz jaialdi honetara hainbeste aldiz gonbidatua izateagatik, eta oso 'giputxia' banaiz ere, esan behar dut etxean bezala sentitzen naizela Bilbon dantzan. Uste dut hamargarren ekitaldi hau oso berezia izango dela, aurreko ekitaldietan ikusleek txalotu zituzten zenbait lan gogorarazi eta pieza berri oso onak izango direna. Uste dut hunkigarria eta 
y sutsua izango dela aldi berean, ez ezazue galdu!
 
Euskalduna Jauregiko entzutegiak datorren urriaren 17an, 20:00etan hartuko du Euskaldunak eta Dantza 10. Jaialdia. 

Sarrerak salgai daude txarteldegian eta baita Internet bidez ere Kutxaban-en. Sarreren prezioak 10 eta 55 euro bitartekoak dira. 
 
Datuak
  • Ikuskizuna: Euskaldunak eta Dantza 10. Jaialdia
  • Antolatzailea: Asociacion Bilbao Ballet Elkartea.
  • Zuzendari artistikoa: Andoni Aresti.
  • Dantzariak: Itziar Mendizabal eta Jean Sebastien Colau/ Aitor Arrieta eta Natalia Muñoz/ Aukeran Dantza Konpainia/ Andoni Aresti Dantza/ Grupo María Martín de Danza/ Diogo Oliveira eta Maria Martins.
  • Tokia eta data: Euskalduna Jauregia, urriaren 17an, 20:00etan
  • Sarrerak: 10 €-55 €.
 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.