2021eko Iruinkokoa Dantzan-en bitartez jarraitu ahal izanen da igandean

Inauteri gehienak bertan behera geratu eta batera eta bestera joateko aukerarik ez badago ere, Iruinkokoa (Iruñeko inauteri euskalduna) zuzenean etxetik jarraitzeko aukera izanen da heldu den igande honetan, otsailak 14, online. Antolatzaileek 12:30ean zehaztu dute hitzordua, eta une horretan bakarrik izanen da aurtengo Iruñeko inauteria —halabeharrez berezia— ikusteko aukera. 

Kokoxuriek eta Izurritearen fanfarreak jarriko dizkiote dantzak eta doinuak libertimenduari. Kokobeltzek errepaso zirikatzailea emanen diote urtean zehar gertatutakoari, eta bertsolariek epaituko dute plaza gainean ikusi eta entzundakoa.

2021eko Iruinkokoa

• Eguna: Otsailak 14, igandea
• Ordua: 12:30
• Lotura: https://dantzan.eus/kidea/iruinkokoa/iruinkokoa-2021