Penintsulako inauteri ikusgarriak Santurtziko kaleetan

Santurtziko Nazioarteko Antzerki Jaialdiaren egitarauan antolatu du Mendi Alde dantza taldeak inauterien erakusketa berezi hau. Eta berezia da oso, Ourenseko bi inauteri (Galiziako Ourenseko eskualdean inauteri oso aberatsak gorde dira) besteak beste Xinzo de Limiako “Las pantallas”, Lazako “Os Peliqueiros” edo Kantabriako Silió-ko “La Vijanera”ko mozorroak hurbilduko baitira Santurtzira.

Inauteri ezagunak eta ikusgarriak dira horiek. Inauteriak ospatzeko modu tradizionala gorde edo berreskuratu dutenak, eta Rio de Janeiroko inauteri motaren eraginik oraindik sufritu ez dutenak. Aukera paregabea da inauteri tradizionalen ikuspegi zabalago bat izateko.

Santurtziko Capitán Mendizabal kaletika abiatuko dira inauteri konpartsak, larunbatean, urriaren20an, arratsaldeko 19.00etan, eta erdiguneko parkeraino iritsiko dira. Hauxe da iragarrita dagoen inauteri zerrenda:

• Xinzo de Limia “Las pantallas” (Galizia)
• Laza “Os Peliqueiros” (Galizia)
• Llamas de la Ribera “Los Guirrios” (León)
• Silió “La Vijanera” (Kantabria)
• Ituren “Joaldunak” (Nafarroa)

Inauteriak Santurtzin

Urriak 20, larunbata
19.00etan Capitán Mendizabal-etik parkeraino