Hemen zaude: Hasiera Albisteak Hemen ditugu 2008ko inauteriak!

Dokumentuaren akzioak

Hemen ditugu 2008ko inauteriak!

dantzan.com
2008/01/04 11:23
Otsailaren 5ean izango da Inauteri Asteartea, eta Ostegun Gizena urtarrilean dator, urtarrilaren 31an. Zenbait inauteri tradizional inauteri data ofiziala baino aste batzuk lehenago hasten dira karnabal kuestazioetan, eta ondorioz, urtarrileko lehen asteetan hasiko dira batzuk. Hona hemen 2007ko inauterien zenbait data interesgarri.
Aurreratu genuen bezala aurten inauteriak goiz, oso goiz datoz, toka daitekeen data goiztiarrenetako batean. Beste urte batzutan Kantabriako Silió-ko La Vijanera inauteria izan ohi da aratuste aroari ireki izan duena, urtarrilaren lehen igandean ospatzen baita bertan neguko festa hau. Baina aurten, ez dago Kantabriara joan beharrik, izan ere, Beskoitzeko inauteria

adibidez urtarrilaren 5ean abiatuko da.


2008an honako hauek dira inauterietako data nagusiak:

  • Urtarrilak 31, Ostegun Gizena
  • Otsailak 1, Ostiral Mehea
  • Otsailak 2, Inaute Larunbata edo Zaldunita bezpera
  • Otsailak 3, Inaute Igandea edo Zaldunita
  • Otsailak 4, Astelenita
  • Otsailak 5, Inaute Asteartea edo Asteartita

 

Altsasu inauteriak 20062008ko datak oso goiztiarrak direnez inauteri batzuetan data aldaketak egin dituzte. Adibidez, Altsasun inaute asteartea eta Santa Agedako kintoen ospakizunak egun berean egokitu direnez, inauteria astebete atzeratzea erabaki  dute. Ondorioz, Altsasuko inauteria garizuman, otsailaren 12an ospatuko da. Donostiako kaldereroak eta Inude eta Artzaiak ere data aldatu beharra izan dute. Kandelaria (otsailak 2) ondoko asteburuan iritsi ohi dira, baina aurten inauterietako asteburua izango denez hori Kaldereroak urtarrilaren 26an iritsiko dira Donostiara, eta Inude eta Artzaiak urtarrilaren 27an kaleratuko dira.

 

Inauterietako data interesgarri batzuk bildu ditugu hemen. Aurreko urteetako ohituretan oinarritutako egutegia da hau, eta normalean betetzen da, baina erne, batzuetan gertatzen da tokiren batean aldaketak egitea, beraz, inauteri horietakoren bat ikustera joateko asmotan bazara, komeni da bertara deitu eta ospakizunak konfirmatzea!

 

Urtarrilak 13, igandea

  • Atharratze - Maskaradak

Urtarrilak 20, igandea

  • Gotaine - Maskaradak
Urtarrilak 26, larunbata 
  • Donostia - Kaldereroak
  • Tolosa - Kaldereroak
  • Lizartza - Puska biltzea baserrietatik
  • Eibar - Koko-eskea eta koko-dantzak
Lizartza inauteriak 2004Urtarrilak 27, igandea
  • Donostia - Inude eta Artzaiak
  • Lizartza - Dantzariak herriko kaleetan eta plazan
  • Irun - Inude eta Artzaiak
  • Ligi - Maskaradak
Urtarrilak 28, astelehena
  • Zubietako joaldunak Iturenera
Urtarrilak 29, asteartea
  • Iturengo joaldunak Zubietara
Urtarrilak 31, Ostegun Gizena
  • Errenteria - Azeri-dantza
  • Eskoriatza - Urdelardero eguna

Otsailak 1, Ostiral Mehea

  • Eibar - Kaldereroak
  • Donibane Garazi - Santibate

Otsailak 2, Inaute Larunbata edo Zaldunita bezpera

  • Behobia – - Puska biltzea
  • Durango - Surrandiak
  • Galdakao - Altsasuko Inauteria (Andra Mari Taldea)
  • Bera - Kaldereroak
  • Agoitz - Cascabobos eta Mascaritak

Otsailak 3, Inaute Igandea edo Zaldunita

  • Lesaka zaku-zaharrak 2007 060Abaltzisketa – Txantxoak
  • Amezketa - Talaik (baserriak)
  • Antzuola - Sorgin dantza
  • Aretxabaleta - Txino Dantza
  • Mundaka -– Atorrak
  • Markina –- Zaragi-dantza
  • Uztaritze –- Errobiko Kaskarotak
  • Zalduendo –- Markitos
  • Lesaka - Zaku-zaharrak
  • Azpeitia - Elegante eguna
  • Gernika - Marrauen soka-dantza
  • Bera - Inude eta Artzaiak
  • Altzürükü - Maskaradak
  • Donibane Garazi - Kabalkada eta Libertimendua
  • Irun - Puska biltzea Olaberria auzoan

Otsailak 4, Astelenita

  • Amezketa - Talaik (kaleak)
  • Lesaka - Fraindarrak arraultze-arraultze eskean
  • Bera - Zingar-arraultze eskea

Otsailak 5, Inautea Asteartea edo Asteartita

  • Arizkun - Sagar-dantza
  • Lekeitio - Estudiantina
  • Lantz - Miel-otxin, Ziripot, Zaldiko, txatxoak eta ferratzaileak
  • Unanu - Mamuxarroak
  • Uztaritze - Zanpanzar
  • Kanpezu - Toribio
  • Lesaka - Goitarrak arraultze-arraultze eskean
  • Agoitz - Cascabobos eta Mascaritak
  • Goizueta - Zahagi-dantza
  • Eskoriatza - Kukumarro
Otsailak 10, igandea 
  • Ürrüstoi - Maskaradak
Otsailak 12, Asteartea
  • Altsasu - Momotxorroak

Zuberoako maskaradek apirilaren 27rarte iraungo dute

 

OHARRA: Data eta inauteri horiek aurreko urteetako ospakizunetan oinarrituta daude, beraz, edozein inauteri ikusteko asmoa baduzu informatu zaitez eta konfirmatu ospakizunak herri bakoitzean.

Dokumentuaren akzioak

Mikel (Agoitz)
2008/01/05 16:32

Aupa. Veo que en la lista de carnavales falta el carnaval histórico de Agoitz (Nafarroa) con sus Cascabobos y Mascaritas. Carnaval disfrutado hasta 1936, dejándose de hacer por culpa de la guerra durante unas décadas y volviéndose a recuperar en la década de los 70.

Sábado de carnaval: - Salida de los Cascabobos y Mascaritas por las calles del pueblo. - Puskabiltza recolectando huevos y txistorra.

Martes de carnaval: - Salida de los Cascabobos y Mascaritas por las calles del pueblo. - Hoguera en la plaza del Mercado. - Cena popular de tortilla de txistorra con lo recolectado.

Si queréis más datos o fotos me lo hacéis saber.

Agur. Mikel Villanueva Erdozain. Agoizko Dantza taldea.

user
2008/01/07 12:09

Eskerrikasko bidalitako informazioagatik Mikel! Sartu dugu agendan. Agoitz-eko inauteri horien inguruko informazioa eta argazkiak bidali nahi badituzu pozik argitaratuko ditugu. dantzari@dantzan.com helbidera bidali ditzakezu.

Ondo segi, oier.

Erantzun

Erantzuna emateko identifikatu egin behar zara, gure webgunean erabiltzaile bat sortuz.