Igandean jokatuko da Dantzari Gazteen Bilbo Hiria III. Leihaketa

Lehiaketa honen antolaketaren helburuak disziplina artisko honen irakaskuntzari babesa eskaintzea, dantzari-gai berriak aurkitzea, dantzarekiko maitasuna sustatzea, eta dantza eskolen artean komunikazio sare bat hedatzea dira.

Parte hartzaileak

Hogei parte hartzaile -hemezortzi neska eta bi mutil- aurkeztu dira. Lehiaketa dantza klasikoa, neoklasikoa, garaikidea eta espainar dantzako 13 eta 16 urte bitarteko ikasleentzat irekia da. Biarritz, Valentzia, Valladolid, A Coruña, Santander, Iruñea eta Donostiatik etorritako dantzari gazteak lehiatuko dira.

Epaimahaia

Honako hauek osatuko dute epaimahaia:

• Mar Baudesson. Epaimahaiko lehendakaria. Nacho Duatok zuzendutako Compañia Nacional de Danza-ko Lehen Dantzaria izana.
• Andoni Aresti. Salzburgoko Balletean Lehen Dantzaria izana eta dantza irakaslea.
• Perfecto Uriel. Logroñoko Dantzaren Etxeko zuzendaria eta dantza irakaslea.
• Amparo Olmeda. Espainiar Dantza eta Flamenko irakaslea.
• Iratxe de Arantzibia. Kazetaria eta dantza kritikaria.

Sariak

Epai-mahaiak hiru sari eskainiko ditu: lehen sarituak 1000 euro eta ekainean egingo den "Euskaldunak eta dantza" 4. jaialdiaren parte hartzeko eskubidea irabaziko ditu; Bigarren sarituak 600 euro jasoko ditu eta hirugarrenak 300 euro. Diru-poltsa horiek dantzarien hezkuntzara bideratuko dira.

• Programa: Dantzari Gazteen Bilbo Hiria III. Leihaketa
• Antolatzailea: Asociacion Bilbao Ballet Elkartea (ABBE).
• Estiloak: Klasikoa, neoklasikoa, garaikidea eta espainiar dantza.
• Sariak: 1000 euro eta "Euskaldunak eta dantza" 4. jaialdiaren parte hartzea; 600 euro eta 300 euro.
• Tokia eta data: Arriaga antzokia (Bilbo), azaroak 16, igandea, 19:30etan.
• Sarrerak: 7-20 euro.

Aurreko urteetako sarituak

• Lehen saria: Sara Etxebarri, (Escuela Flamenca de Las Arenas-Amparo Olmeda).
• Bigarren saria: Haizea Paris, (Estudio de Danza “Nuria y Raquel”, Laudio).
• Hirugarren Saria: Efigenia Cervera, (Estudio de Danza “Ana Mª Aurrecoechea”, Bilbo). 

• Lehen saria: Aiara Iturrioz, (Vitoria-Gasteizko Udal konserbatorioa, “José Uruñuela”).
• Bigarren saria: Angel Juarez, (Murtziako Dantza Udal Konserbatorioa).
• Hirugarren saria: Amaia González, (Vitoria-Gasteizko Udal konserbatorioa, “José Uruñuela”).