Galdakaoko, Oñatiko eta Eltziegoko dantzariak izango dira Hondarribia dantzan jaialdian

Maiatzaren 24tik 27ra ospatuko da Hondarribia dantzan jaialdia. Egun nagusian, larunbatean, Galdakaoko Andra Mari dantza taldeko, Oñatiko Oñatz dantza taldeko eta  Eltziegoko dantzarien emanaldiak ikusteko aukera izango da Hondarribiko Kemen dantza taldekoenekin batera. 

Dantzari loturako hainbat ekitaldi antolatu dituzte, besteak beste, maiatzaren 22tik 24ra plazako dantzen ikastaroa izango da eta maiatzaren 24an, Ane Albisuren "Euskalduntasunaren azaleratzea. Soinekoaren estetika eta transmisioa" hitzaldia. Horiez gain, erromeriak, dantza erakustaldiak eta festa giroa izango dira Hondarribiko hainbat txokotan aste honetan.

Maiatzak 24 osteguna

• Ane Albisuren hitzaldia, "Euskalduntasunaren azaleratzea. Soinekoaren estetika eta transmisioa", 20:00etan Kultur etxean.

Maiatzak 25 ostirala

• Erromeria, 20:00etan Arrantzale auzoan.

Maiatzak 26 larunbata

• 11:00etatik aurrera, Galdakaoko Andra Mari dantza taldea, Oñatiko Oñatz dantza taldea eta Etziegoko dantzariak herriko kaleetan dantzan.
• 12:30ean, dantza agerketa Arma plazan.
• 17:30etatik aurrera, kale animazioa.

Maiatzak 27 igandea, Adaxka eguna

• 11:00etatik aurrera, kalejira herrian zehar.

• 12:00etan, dantza agerketa Arma plazan.

*Maiatzak 22-24 (asteartetik ostegunera) plazako dantzen ikastaroa dohainik 12:00etatik 20:00etara kultur etxean.