Herratuek ordezkatu dituzte buhameak

Aurtengo maskaradetan bada berrikuntza bat, buhameei izena aldatu baitiete; aurten herratuak dira. Askatasun gehiagorekin aritzeko asmoz egin dute aldaketa Junes Bedaxagar Herratu Jaunak azaldu digunez: "Gure artean hautua egin dugu kanbiatzeko nahi baikenuen amiñi bat jokoa kanbiatu eta aski libertate ukan joko horretarako".

Azken urteetan izan dira buhameen antzezpenaren inguruko kritikak. Nicole Lougarotek buhameen kontrako arrazakeria salatu izan du eta gogoeta eta aldaketa bultzatu. Horrela, Maule-Lextarreko gazteek buhameen rolari buelta bat ematea erabaki dute: "Egia da urte zonbaitetan, ez genuela nahi arra egin Buhameen jokoa ez baikenuen sobera ikusten nola arra egiten ahal genituen gauzak eta hola, eta orduan kanbiatzea hautatu dugu".

Itxura eta jarrerak ohikoak dira, baina izena aldatuta buhameak bakean utzi dituzte. Orain, maskaradetako beltzeriaren parte diren pertsonaia bihurri, lotsagabe eta basati horiek ez dira buhame edo ijitoen ordezkari."Herratuak nahi du erran amiñi bat direla jendeak lurrik gabe, etxerik gabe, eta amiñi bat mundu oroetako...". Horrela, herratuen jokoan munduko berriak ematea da asmoa, herratuak munduaren alde batetik bestera baitabiltza.

Euskaltzaindiaren hiztegi batura jo dugu izen baten eta bestearen esanahi zehatzaren bila: