Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Goierriko dantzen ikuskizuna Ataunen

Dokumentuaren akzioak

Goierriko dantzen ikuskizuna Ataunen

Aurtzaka
2005/01/04 23:31
Joxemiel Barandiaran Kulturaldia dela eta, AURTZAKA dantza taldeak bere GOIERRIKO izeneko dantza-ikuskizuna emango du Ataunen. 2005eko urtarrilaren 8an, 19.00etan, Ataungo Antzokian.

Azken hiru urtetan Goierri Eskualdeko dantza eta folklore-ondarearen bilketa lanaren ondorioa da ikuskizun hau. Bertan jasoko ditugu, bai gaur egun gure eskualdeko tradizioan bizirik dirauten dantzak (ezpata-dantzak, sokadantza...), bai orain gutxi galdutakoak (erromeria), nola aspaldi batean desagertu eta honetarako propio berreskuratutakoak (inauteria, dantza-jolasak...).

Segurako San Migel eta San Nikolas, Loinazko ezpata-dantzari eta banderazale, Ordiziako santanazale, Zaldibiko soinu-zahar eta zortziko, Ataungo Txelemon, Otsailko eta Mozorro, Idiazabalgo Mozorro-zuri eta Zatar, Mutiloako Ardilarru, Segurako Hartz eta jorrai-dantzari, garai batean dantza-librean egiteko modua... denak eta hainbat gehiago ikusi ahal izango dira ikuskizun honetan, Goierriko dantza-ondarea ardatz duela.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.