Geografia lezioak Portugaleten

Tartaristan edo Tartaria Errusiako federazioaren barnean dagoen Errepublika da. Bere hiriburua Kazan da. Gorka Saez-en Mundofolk blogaren bidez ezagutu dugu Portugaleteko Nazioarteko 33. Folklore Jaialdian parte hartuko duten taldeen zerrenda. Jaialdiaren webgunean bertan ere ageri dira taldeak eta baita haien argazki batzuk ere.

Hauxe da 2007ko uztailaren 20tik aurrera Portugaleten eta Euskal Herriko hamaika herritan ikusi ahal izango diren taldeen zerrenda.

• Tartaristan - Tartaristan-eko Errepublikako Kantu eta Dantza Konpainia
• Uzbekistan - Assalom Kuyosh
• Mexiko: Colima-ko Unibertsitateko Balet Folklorikoa
• Brasil: Amazoniako Balet Folklorikoa
  
• Txina: Qiandongnan Kantu eta Dantza Konpainia
• Albania: Kantu eta Dantza Konpainia Nazionala
• Peru: Jallmay
  

Eta noski, horiekin batera, Portugaleten Elai-Alai taldea arituko da Euskal Herria ordezkatuz, eta jaialdia aurkezten den toki bakoitzan tokian-tokiko euskal dantza taldeak arituko dira.