Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Gene Yurre dantzari eta koreografoa hil da

Dokumentuaren akzioak

Gene Yurre dantzari eta koreografoa hil da

dantzan.com
2008/10/16 08:14
Kresala dantza taldearekin 40 urtez egindako lanaren berri ematen duen katalogoa argitaratu den astean bertan hil da Gene Yurre (Donostia, 1928-2008). Etorki taldeko dantzaria izan zen eta Ukrainako balet kosakoetan dantzari profesionala izan zen hainbat urtez. 1968an Kresala dantza taldearen lehenengo zuzendaria izan zen eta 1976an EDBren hasierako antolaketa lanetan parte hartu zuen.

Gerra garaian, umea zela exiliatu eta Paris-en osatu zuen dantzari prestakuntza Gene Yurrek. Etorki eta Gernika euskal dantza taldeetako dantzari izan zen besteak beste. 1968an itzuli zen Euskal Herrira, eta Kresala taldearen bidez folklore antzeztuaren lan hildo jorratu zuen.

1972an aurkeztutako Iruleak eta Maskarada lanak, edota 1983an aurkeztutako Ioiak dira bere ekarpen koreografiko esanguratsuenak. 1981ean Gidaria, Gimnasia, dantza, ritmoa, abesti. Pedagogi metodoa liburua argitaratu zuen Donostian, dantzarien formazio fisikorako metodo bat.

Aste honetan bertan aurkeztu du Kresala dantza taldeak taldearen ekoizpen koreografikoaren katalagoa eta liburu horretan jaso dira Gene Yurre-k Kresalarekin sortutako koreografien inguruko xehetasunak.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.