Euskal dantza ikastaroa UEUn

EUSKAL DANTZA IKASTAROA
2004ko Otsailaren 28a - 2004ko Apirilaren 3a
Lekua: UEUren Ikastetxe Nagusia. Markeskoa jauregia. Otaola hiribidea, 1. EIBAR
Matrikula prezioa: 80.25 Euro (ikasle / bazkideek: 80.25 Euro)

Aurkezpena
Dantzak oro har, eta euskal dantzak bereziki, honako helburu edo aspektuak jorratzea ahalbidetzen du: gorputzaren kontrola eta garapena, espresio plastikoa, jokoa eta elkarlana, eta herri kulturaren ezagutza. Euskal folklorea oso aberatsa da, eta, horren barruan, euskal dantza ez da salbuespena. Herrialde bakoitzak bere berezitasunak ditu, eta ikastaro honetan Euskal Herriko herrialde guztietako dantzak irakatsiko dira, eta horien artean umeei irakasteko egokienak direnak aukeratuta.

Helburuak
Ikaskideei euskal dantza sorta irakatsi, haiek eskola umeei irakats diezaieten. Horretarako umeen zeregin eta ezaugarrietara ondo moldatzen diren dantzak aukeratuko dira.

Metodologia
Ikastaroa ikaskideek dantzak ikasteko daukaten gaitasunera egokituko da. Egun bakoitzean zenbait dantza irakatsiko dira; pausuz pausu zatituko da, haren ikasketa errazteko, gero pausuak lotu egingo dira. Behin pausuak ikasita, koreografiari ekingo diogu, dantza ikasi arte. Egun bakoitzeko hasieran, aurreko eguneko dantzen errepasoa egingo da, ikasitakoa finkatzeko, eta amaieran, egunean ikasitakotakoaren errepasoa ere egingo da, helburu berberarekin.

Nori zuzendua
Musika-dantzako irakasleak, gorputz heziketako eta euskal dantzak gustuko dituen edozein irakaslerentzat.

Ikasle kopurua
20 pertsona gehienez, 15 gutxienez.

EGITARAUA
Otsailaren 28a, larunbata
10:00 etatik 11:00 arte IÑAKI IRIGOIENEK dantzari buruzko hitzaldia emango du. Eguneko programazioa:

11:00-14:00
Biribilketa
Paganoseko Txulalai
Baztango Esku dantza
Berako Makil dantzak (Biribilketa, Lehenengo, Bigarren eta Laugarren dantza)
Jauzien pausuak (Xinple/Doble/Phika)
Zazpi Jauziak
Jauzien pausuak (Aintzina phika/Zeina/Ezker/Eskuin/Ezker hiru)
Aintzina Phika
Bidarteko Zapatain dantza
Luzaideko Polka Pik

Martxoaren 13a, larunbata
Eguneko programazioa: 10:00-14:00

Aurreko egunean ikasitako dantzen errepasoa
Olagueko Esku dantza
Txakolin
Villabuenako Makil dantzak (Bailaos, Paloteaos, Te V’)
Luzaideko Bolant Iantza
Baztango Zortzikoa
Jauzietako Pausuak (Biga/Ebats)
Hegi

Martxoaren 27a, larunbata
Eguneko programazioa: 10:00-14:00
Aurreko egunean ikasitako dantzen errepasoa
Makeako Soka dantza
Arrarasko Zozo dantza
Iekorako La Cadena
Kortesko Trenzado Sencillo eta Trenzado Doble
Luzaideko Lehenengo Kontraiantza
Fandangoa

Apirilaren 3a, larunbata
Eguneko programazioa: 10:00-14:00

Aurreko egunean ikasitako dantzen errepasoa
Durangaldeko Arku dantza (Gorulariena)
Gipuzkoako Boastitzea
Baztango Mutil dantza
Oxtalersa
Arin-arina Programa hau ikasleen gaitasunaren arabera moldatuko da.

Irakaslea: Javier Santamaria Vadillo.
Iraupena: 2004ko otsailaren 28tik apirilaren 3ra.
Ordu-kopurua guztira: 16 ordu.
Matrikula-prezioa: 80,25 euro.

Informazio gehiago eta izena emateko:
http://www.ueu.org