Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak "Eugene Onegin" San Petersburgoko Eifman Ballet-en eskutik

Dokumentuaren akzioak

"Eugene Onegin" San Petersburgoko Eifman Ballet-en eskutik

Iratxe de Arantzibia - ABBE
2010/09/13 15:33
Asociación Bilbao Ballet Elkarteak (ABBE) kalitatearen aldeko bere apustuan, San Petersburgoko Eifman Ballet-aren "Eugene Onegin" ikuskizuna aurkezten du, nazioarteko prentsa espezializatuak egungo konpainia onenetakotzat aitortzen duena. Boris Eifman-ek gidatutako konpainiak arrakasta handia eskuratu zuen 2008an ABBEk programatuta Euskalduna Jauregian eskaini zuen "Anna Karenina" ikuskizunarekin.

Boris Eifman koreografo ikonoklastak "Eugene Onegin"-engan jarri du arreta, bere hitzetan "errusiar bizimodu estiloaren entziklopediatzat jo izan delako. Bertan Pushkin-ek bere garaiaren izaera adierazten duen arketipo zehatza eraiki zuen, errusiar arimaren irudi poetikoa sortuz: misteriotsua, aurreikusi ezina, eta oso sentsuala. Ballet bat Eugene Onegin-en oinarritzea dantzaren bidez barne sentimenak adierazteko saiakera da. Zer egingo lukete nobelako protagonistek gaur egun?" azaltzen du errusiar balletaren "Jerome Robbins-a moduan izendatua izan den sortzaileak. Arimaren barne zokoak ikuspuntu garaikidetik adierazteko gogo horri erantzunez Tchaikovskiren pasarte klasikoak Sitkovetsky-ren rock-arekin uztartzeera eraman du.

 

Ikuskizuna urriaren 27an, asteazkenean burutuko da, arratsaldeko 20:00etan Bilboko Euskalduna Jauregian. Sarrerak salgai daude dagoeneko, bai txarteldegian, edo Internet bidez BBKren txarteldegian.

 

Ikuskizunaren datuak

 

  • Obra: "Eugene Onegin".
  • Koreografia: Boris Eifman.
  • Ideia originala: Aleksandr Pushkin nobelan oinarritua.
  • Konpainia: Eifman Ballet.
  • Tokia eta data: Euskalduna Jauregia, urriak 27, 20:00etan.
  • Sarrerak: 48-20 €.

 

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.