Dokumentuaren akzioak
Euskal dantzaren alde aritutakoak eskertuko ditu BDBk seigarren urtez
Dantzan
Berrizko dantzariak, dantzari-dantza, Berriz, 2021-06-29. Argazkia: Amaiur Aristi - Dantzan CC-BY-SA
Juan Antonio Aroma, Raimundo Flores Mundi, Tronperri dantza taldea, Salleko txistu eta dantza taldea, Kepa Junkera, San Lorentzo dantza taldea eta Iremine dantza taldea, Goizaldi dantza taldea eta Ondalan erraldoi eta buruhandien konpartsa omenduko ditu Bizkaiko Dantzarien Biltzarrak Esker Onak ekitaldian. Esker Onak Sariak gaur, azaroaren 25ean, 19:30ean, banatuko dira Guggenheim Bilbao Museoko Auditoriumean.
BDBk eta Deiak Bizkaian euskal dantzaren alde lanean diharduten pertsonei eta taldeei esker ona adierazteko ekimena da Dantza Tradizionalaren Esker Onak ekitaldia. Asmoa da euskal dantza, musika eta kulturaren inguruan, modu isilean, dabiltzan eragile horiei aitortza egin eta omentzea. 2017an hasi zen BDB Esker Onak sariak banatzen. Hemen dituzue aurtengo sarituak eta aitortu eta eskertuko zaizkien ekarpenak:
- Juan Antonio Aroma, Kriskitin Dantza Taldearen txistularia.
- Raimundo Flores "Mundi", Bizkaiko Dantzarien Biltzarraren jantziak egindako lanagaitik.
- Tronperri dantza taldea, 60 urte baino gehiagotan egindako lanagatik.
- Salleko txistu eta dantza taldea, 60 urte baino gehiagotan egindako lanagatik.
- Kepa Junkera, bere ibilbide eskertzeko.
- San Lorentzo dantza taldea eta Iremine dantza taldea, Berrizko dantzari-dantza bizirik mantentzeagatik.
- Goizaldi dantza taldea, 75. urteurrenagatik.
- Ondalan, erraldoi eta buruhandien esparruan egindako lanagatik 27 urteetan.
Dokumentuaren akzioak
Erantzun
