EITB "DantzanGo" programarako dantza talde bila dabil

ETB1, irailean estreinatuko den "DantzanGo!" izeneko dantza lehiaketarako partaide bila dabil. Iraila eta urria bitartean grabatuko dira saioak; orain diziplina ezberdinetako dantza taldeak bilatzen ari dira programan parte hartzeko. 

Edozein estilotan dantza egiten duten taldeei egin die deia ETBk: euskal dantzak, street dance, break dance, hip hop, dantza modernoa, klasikoa, balleta... Hamasei urtetik gorako 7-8 kidez osatutako taldeak aurkez daitezke lehiaketara, taldekideetako bat bozeramaile edo arduradun gisa arituko da. "DantzanGo!"ren webgunean martxan dagoen bideo-castingean parte hartuta eman daiteke izena lehiaketan, datuak beteta eta bideoa bidalita. Bideo horretan, lehendabizi taldea aurkeztu beharko du bozeramaileak eta koreografia bat erakutsi beharko du ondoren talde bakoitzak.