Debako San Roke dantza DVDan

Abuztuaren 16an, San Roke egunez, dantzatzen dute Deban ezpata-dantza. 1600 urte inguruan Deban izandako izurrite batez libratu omen zituen bertako biztanleak San Rokek eta horregatik urtero dantzatzen diote Debarrek haien patroiari.

Ohiturak mantentzeko borondatez, ezpata-dantzaren historia, berari buruzko zenbait pasadizo eta dantza bera erakusiko dituen DVDa prestatzen ari da Debako Gure-kai euskal dantzari taldea. 

Abenduaren 19an (larunbata) aurkeztuko dute jende aurrean eta aurkezpena borobiltzeko beste zenbait ekitaldi prestatu dituzte Deban:

• 10.00:  Dantzarien eta kofradeen bilkura foruen enparantzan. Ondoren hamarretakoa.
• 12:00: Santakrutz ermitatik dantzarien irteera elizarantz ezkil-jotzearekin batera.
• 12:30: San Rokeren irudia daramaten kostalero eta sendieri San Roke zortzikoa dantzatuko diete buruzagiek.
  

• Ondoren DVD-aren proiekzioa elizako klaustroan.
• 15:00: Bazkari herrikoia. Ondoren erromeria.

Debar ugarik dantzatu izan du ezpata-dantza. Hartara, gaur eguneko dantzariak eta dantzari ohiak daude bilduta San Roke-ko kate luzean dantzan. Azaroaren 7an eta 14an hartuko dituzte dantzatu nahi dutenen izenak, Foruen plazan. Azaroaren 28an eginen dute lehen entsegua.