Dantzatu naiz ala dantzatu dut?

Dantzatu aditza jokatzerakoan sortzen den zalantza, nola esan behar da "Dantzatu naiz" ala "dantzatu dut"? Euskaltzaindiak erantzun dio galderari:

Euskaltzaindiaren Hiztegiak dio [EH:dantzatu] da/du aditza dela: arratsalde osoan dantzatu naiz (ez *dantzatu dut); aurreskua dantzatu dut.

Dantzatu aditza jokatzearekoan bi aukerak dantzatzen (!) ditugu, baina bakoitza bere aditz-erregimenean:

• Arratsalde osoan dantzatu naiz
• Aurreskua dantzatu dut.

Beraz, dantzan ―zein dantza egin dugun zehaztu gabe― aritu bagara, "dantzatu naiz". Eta zehazki zein dantza egin dugun zehazten badugu "dantzatu dut".