Dantzari Txiki eta Alurr Eguna Ibarran

Maiatzaren 28an, Dantzari Txiki eta Alurr eguna izango da Ibarran (Gipuzkoa). Goizean Dantzari Txiki Eguna izango da, eta Ibarrako dantzariek ez ezik, inguruko herrietakoek parte hartuko dute, eta baita Nafarroatik eta Ipar Euskal herritik etorritakoek ere. Arratsaldean, umeentzako festa izango da, musika eta dantzekin, eta dinamizatzaile talde bat etorriko da horretarako. Gauean, emanaldia izango da Ibarrako plazan, eta dantza eskolako urte guztiko lana erakutsiko du Alurr Dantza Taldeak.