Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Zer dantzatzen da Argentinako Euskal Etxeetan?

Dokumentuaren akzioak

Zer dantzatzen da Argentinako Euskal Etxeetan?

2007/10/10 13:17

Badira urte batzuk Aitor Alava dantzaria Argentinako Eusal Etxeetako dantza taldeei klaseak ematen ari dela. Zuhatzakoa da Aitor Alava, Aiara Dantza Taldeko dantzaria. Bere nondik-norakoak jarraitu daitezke Ezker Airian izeneko bere blogean.

Euskal Astea [Semana Nacional Vasca] izaten da Argentinako dantza taldeentzat urteko datarik garrantzitsuena. Euskal Aste horretan hainbat dantza emanaldi izaten dira, horietako bat antzoki edo agertoki handi batean, eta bertan talde bakoitzak dantza bat aurkezteko aukera izaten du. Emanaldi hori Argentinak euskal dantzak bizi duen egoeraren argazkia egiteko aukera aproposa izaten da. Horixe egin du Aitor Alavak. Rosarion egin berri den emanaldi handi horretako emaitza zenbait datutan labur-bildu du Aitor Alavak:

  • Ia hiru orduko emanaldia
  • Argentinako Euskal Etxeak: 23
  • Emanaldi kopurua: 26
  • Zuzeneko musika: 4
  • "Ustez" tradizionalak diren dantzak: 14
  • Koreografiak: 12
  • Tradizionalak: Araba 2, Nafarroa Beherea 1, Bizkaia 1, Gipuzkoa 2, Nafarroa 5, Lapurdi 1, Zuberoa 2
  • Janzkera "egokia" zeramatenak (tradizionalen artekoak): 7

Aitor Alavaren ustez datuek hobera egin dute azken urteotan. Datuekin zail gertatzen da ordea zer nolako dantzak ikusi ahal izan diren Rosarion imajinatzea. Aitor Alavaren blogean bertan ikus daiteke bideo bat. Eta hona hemen beste pare bat adibide.

Zuberoako maskaradetako dantzak Bariloche-ko Mendi'ko dantzariak taldearen eskutik.

Beste hau iazko Euskal Astekoa da, Cordoban egin zen emanaldikoa. Necocheako Gazte Alai taldea da, Kepa Junkeraren Bok Espok doinuarekin egindako koreografia bat dantzatzen.

Dokumentuaren akzioak

Joseba2
2007/10/10 17:30

Harro egongo dira Jaurlaritzan horratiok! Bigarren bideo horretan garbi ikusten da ze talde bidaltzen dituzten Ameriketara urtero. Hori da emaitza. Penagarria.

Anonymous User
2007/10/11 15:02

ze talde bidalten dituzte ba? eta ze taldek joan beharko lukete? zergatik?

Joseba2
2007/10/12 14:35

Ba azken urteotan joan direnak ikusita argi dago, koreografia berriak eta horrelakoak egiten dituztenak bidaltzen dituztela. Dantza tradizionalak bere horretan egiten dituztenak ez behintzat. Zer erakusten zaien horixe egiten dute, eta bakarrik zati bat erakusten bazaie, ba hori egingo dute.

matx
2007/10/10 18:49

Ba horixe... argiegi dago. No coment

Erantzun

Erantzuna emateko identifikatu egin behar zara, gure webgunean erabiltzaile bat sortuz.