Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Dantza Topaketak Ostadar dantza taldearen eskutik Beasaingo Loinatz jaietan

Dokumentuaren akzioak

Dantza Topaketak Ostadar dantza taldearen eskutik Beasaingo Loinatz jaietan

Dantza Topaketak Ostadar dantza taldearen eskutik Beasaingo Loinatz jaietan

Dantza-topaketen egitaraua

Aurten ere, Beasaingo Loinatz jaiei behar bezalako amaiera emateko, Ostadar Dantza Taldeak urtero bezalaxe dantza-topaketak antolatu ditu datorren igandean, maiatzaren 19an.  XIII. edizioa izango da aurtengoa, eta aurreko urteetako ildo berekoa izango da.  Aurten ere,  Euskal Herri osotik etorritako dantza-taldeek euren ikuskizunak eskainiko dituzte goizean zehar, eta arratsaldean berriz, erromeria izango da Beasaingo Kale Nagusian.

Aurtengo dantza-talde gonbidatuak honako hauek dira:

  • Arrola Dantza Taldea (Baigorri)
  • Adurtza Dantza Taldea (Gasteiz)
  • Illunbe Elkarkide Dantza Taldea (Trintxerpe)
  • Ortzadar Euskal Folklore Elkartea (Iruñea)
  • Amets Bide Dantza Taldea (Ordizia)


Ikuskizunari hasiera 11:30etan emango zaio; talde batzuk  Igartza aldetik hasten diren bitartean, gainontzekoak Ezkiaga auzotik abiatuko dira Beasaingo kaleetan zehar euren ikuskizunak  eskainiz. Talde guztiak Gernika Pasealekuan elkartuko dira 12:30ak aldera.

Azkenik, arratsalde partean, 17:00etatik aurrera erromeria bat izango da Hernaniko Musika Taldearen eskutik. Erromeria hau mugikorra izango da, Kale Nagusian zehar mugituaz egingo delako. Ostadarrekoen esanetan, bertaratzen diren guztiak “ongi etorriak eta dantzatzera gonbidatuak” izango dira.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.